بيعمل ايه بقي في الدوره الدمويه أو في القلب أو في الجلطات
اول حاجه بيوسع الشرايين عسل
ما هو اصل الجلطه دي ايه شريان اتقفل فلما يوسع الشريان يبقي احنا كده بنديلوا فرصه يروح المستشفي ويعالج الجلطه لان الشريان وسع والأكسجين رجع الدم
تاني حاجه بيقلل ضغط الدم وخلي بالكم يا عائله فكر تاني انتوا دلوقتي فاهمين
اي حاجه توسع الشرايين يبقي الضغط بيقع والي يضيق الشرايين يبقي الضغط بيعلي اتوماتيك
ف ايه انت لما تاخد شطه يقلل الضغط ويوسع الشرايين وميعليش نبضات القلب
يعني يفتح الشرايين ويدي الدم اكسجين زياده من غير ما يزود النبضات اااه ده سحر الفلفل الاحمر
ده عظمه ربنا في الفلفل الاحمر مبيزودش جهد القلب بالعكس بيريحه ويديلوا اكسجين زياده
النقطه التالته الافرازات بيزود افرازات الجسم انت لما تاكل شطه تلاقي اعزك الله ريالتك كترت ونفنفت ورمولك منديل في وشك الله يقرفك ليه
لما بيزود الافرازات بيحصل ايه لو بوقك فيه نشفان ريق علطول خد شطه هتلاقي الريق ابتدي يجري تاني والغدد اللعوبيه ابتدت تفرز
لو انت عندك عسر هضم عندك حمض المعده وعندك التهاب قولون التهاب قولون ومعده اخد شطه ايوه زي ما بقولك كده
ف أحد الناس الي بتعالج بالشطه كان عنده مريض من كتر ما عنده متلازمه الامعاء وامعائه بايظه فحب ينتحر شرب شطه كتير خف
فدلوقتي الترك في الالام ليه لما هو بينزل المعده طبعا ميبقاش فيها قرحه مفتوحه مش هتستحمل الالم انما لو عندك التهاب خفيف عندك حمض المعده خفيف عندك التهابات خفيفه في القولون خد شطه
اول حاجه حيث وجدت الشطه زادت الافرازات فيزود انزيمات الهضم فيزود انزيمات البنكرياس يزود افرازات المعده يزود العسيرات الهاضميه يزود اللعاب وكل ده بيحس من الهضم ويحسن من القدره الهضميه للجهاز الهضمي
يبقي الإفرازات زادت
النقطه التانيه الي بعدها حيث وجدت الشطه والفلفل الأحمر وجد الدم وانتوا مش عارفين يعني ايه الدم يروح مكان
اي مكان فيه التهابات لو راحوا دم كتير ليه الحته لما تلتهب تحمر ليه وتسخن ليه
معناه الدم لقي الحته دي فيها التهاب يقوم موسع الاوعيه الدمويه ليه علشان يودي دم.زياده ليه علشان يودي المضادات الحيويه في الجسم والاجسام المضاده ضد البكتريا
والحاجات الي يتموت البكتريا بزياده للحته دي
ده الالتهاب دي الحته الحمرا الدم بيزيد علشان فيه التهاب
فانت دلوقتي لما تديلوا حاجه بيزود الافرازات ويزود الدم ما خلاص الالتهابات اتغسلت ما خلاص المضاد الحيويه راحت الحاجات الي بتاكل البكتريا راحت للمكان انت عايز اكتر من كده ايه
افرازات من جوه ودم زياده من برا
عايز اكتر من كده يخففلك الجهاز الهضمي
حيث وجدت الفلفل الأحمر وجد الدم ووجدت المناعه
نرجع لنقطه تصلب الشرايين قولنا المشروب الي بينضف الاوعيه الدمويه والقلب من الكوليسترول الضار والجلطات ومن تصلب الشرايين كان
خل التفاح مياه دافيه وفلفل احمر البودره بتاعته كان عليه لمونه وكركم
دلوقتي احنا في موضوع الفلفل الاحمر بيعمل ايه
الاول بيوسع الشرايين فلما يوسع الشرايين متبقاش مقفوله يالكوليسترول تاني حاجه هو نفسه مذيب للدهون الضاره
هو نفسه بيدوب الدهون الضاره يعني بيوسع الوعاء الدموي وفي نفس الوقت غسل الشرايين قللي الكوليسترول الضار LDL
وقللي الكوليسترول الي ملزق في الاوعيه الدمويه ليه
ليه بيقلله ازاي يعني الكوليسترول ده موجود في الاوعيه الدمويه ليه علشان في التهابات صح وده بيعمل ايه في الالتهابات بيقلل الالتهابات
فضرب عصفورين بحجر وسعلي شريان وقلل التهابات فالكوليسترول قل فهمتوا
الحاجه الي بعد كده بيوحوح الجسم يعني بيسخنه حضرتك أي حد في مناطق بارده بيستخدموا الشطه لأنه بيرفع درجه حراره الجسم زي ما قولت في موضوع الايض
جسمك نفسه بيسخن وانت طول ما جسمك سخن هتبقي اكثر نشاطا هتعرق وهنتكلم عليها حبه كده معدل ايضك زاد ومناعتك زادت لان احنا فاكرين لما اتكلمنا في حلقه الاطفال هو ربنا بيسخن الجسم ليه لما البكتريا تدخل علشان البكتريا مبتعش في الحراره بتموت فانت اصلا لما جسمك تبقي حرارته عاليه يبقي انت اصلا مضاد للبكتيريا انت راجل المناعه بتاعتك ميه ميه يبقي ارتفاع درجه حراره الجسم ليها فوائد كتير اوي
مضاد وعدو الكانديدا ليه لأنه زي اي انتي اوكسيدانت محترم ومضاد التهاب محترم بيموت اي فطريات فيموتلك الكانديدا
الكانديدا لما تاخد شطه معلقه صغيره مرتين تلاته في اليوم الكانديدا تموت والبكتريا تموت والجهاز الهضمي يتصلح الالتهابات تروح عايز ايه تاني
النقطه الي بعد كده الديتوكس مينفعش اتكلم عن الفلفل الاحمر من غير ما اتكلم عن الديتوكس
يعنى ايه ديتوكس يعنى تنضيف الجسم من السموم ليه
واحد حسن الهضم عارفين
اتنين زود الدم في الجهاز الهضمي وانتوا عارفين مناعه الجسم في الجهاز الهضمي
تلاته بيرفع حراره الجسم
اربعه بيعمل عرق كتير العرق أحد سبل الديتوكس
بيطلع السموم من جسمك بيطلع الأملاح الزياده من جسمك بيخليك أنشط بيموت البكتريا الضاره الي علي الجلد
انت عايز ايه اكتر من كده عايز ايه ها
عايزين خلاصه الديتوكس تاني
مياه
لمونه
معلقه فلفل احمر
معلقه عسل
وكل يوم الصبح لمده اسبوعين
ديتوكس طبيعي وبراحه ومش سريع ومش هياخد السموم من الدهون ينزلها الدم
وهينشط الكبد واحده واحده
حته ديتوكس أهيه يا ريس واكتب الكلام ده وشيره
النقطه الي بعد كده ومهمه جدا هي تأخير الشيخوخه
لقوا أن الشعوب الي بتاكل شطه كتير بتعيش بصحه اطول صحتها بتبقي افضل ف ده سبب عرفتوا بقي الهنود بيعيشوا بصحه أفضل وكتير ليه عارفين رفيعين ليه عارفين معندهمش سرطانات ليه
علشان كل اكلهم موحوح يا ريس
كل اكلهم شطه كتير توابلهم فيها شطه كتير بيستخدموا الكركم والزنجبيل كتير
علشان كده أكثرهم صحتهم تمام
والفلفل الاحمر بيخلي الجسم يعيش اكتر لأنه مضادات أكسدة ومضاد التهاب وبيقلل الكوليسترول الضار وبيعمل ديتوكس وبيحسن المناعه يعني عايز ايه اكتر من كده علشان تعيش ميه ميه
وتتجوز اتنين وتلاته واربعه 😂
الحاجه الاخيره بقي
مع أنه بينزل العرق وأنه بيعمل ديتوكس وأنه بيصلح الجهاز الهضمي
بيقلل الشهيه فتخس يعني بيساعد انك تخس انت لو كلت حاجات مشطشطه مش هتاكل كتير
بتعمل تنبيه للجهاز الهضمي أن في اكل في حاجه في المخ يقول كفايه اكل مش عايزين زياده فتشبع بسرعه
اي اكل عليه شطه متقدرش تاكل منه كتير وتشبع بسرعه وتحس أن الهضم اتظبط
تعليقا علي الكلام ده احنا مفهمينا أن لو عندك بواسير اوعي تاكل شطه مفيش الكلام ده ده بيعالج البواسير لأنه بيعالج الالتهابات بس الحمام بيحرقني ما احنا عايزين كده يعني الدم راح في الحته دي يعني الحته دي فيها مضادات التهابات
منصحش بيه لحاجتين
لو عندك مشاكل في الكلي
لو عندك قولون تقرحي
او عندك قرحه ملتهبه بتجيب دم
مينفعش
وعلي فكره الهنود الحمر كانوا بيستخدموا في ايقاف الدم.يعني الي ينزف يحطوا مكان النزيف شطه يطهر الجرح ويقفل الجلطات بيخلي الدم الي برا يتجلط ف ده مهم جدا
حاجه تانيه بيعمل تجلط الدم برا للجروح الخارجيه وجوه الجسم بيمنع تجلط الدم يعني بيعمل الحاجه ونقيضها
يعني جوه الجسم يمنع حدوث جلطات
ويخلي الدم اكثر سيوله وممتاز وبرا لو حطيت علي اي جرح حبه شطه بينشط.تجلط الدم في الهواء الخارجي فالدم ينشف بسرعه
حاجتين عكس بعض شىء عجيب
وخلوا بالكم استعملوا معلقه صغيره متبالغوش في الاستعمال هتزود هتبهدلك جسمك هي معلقه صغيره او نص معلقه تلت مرات في اليوم
نص معلقه علي كوبايه مياه دافيه وتحط عليها لمونه وتشربه
علي الاكل ينفع علي السلطه ينفع علي السمك ينفع
حطلنا تعليقك لو ليك تجربه مع الفلفل الاحمر
هل يؤثر الفلفل الأحمر باي تأثير سلبي لمستأصلي المراره
ReplyDelete