اول حاجه تهتم بالي بتاكله وتتنفسه يعني
الخضار ترقده في ميه بخل لمده ١٥ دقيقه وبعدين يتغسل مرتين تلاته بعدين يتاكل
حاول تاكل الفواكه الي بتتقشر وليها قشره أما الفواكه الي مش بتتقشر اغسلها مره واتنين وتلاته ومتشتريش من سوبر ماركتات اشتري من الأهالي اشتري من الفلاحين
قبل الكلام ده كله بص لاي اكل داخل بيتك وداخل لعيالك لو مش موجود من ميه سنه ارميه في الشارع
الكورن فليكس مش موجود يترمي في الشارع
السجق مش موجود من ميه سنه ارميه في الشارع
مفيش حد كان بيعمل شركات سجق ولا كورن فليكس ولا شوكولاته مكسرات من ميه سنه صح ؟
ابعد عن المصنعات بكل ما تستطيع اللحوم المصنعه ترميها
الاسماك الي في المعلبات ابعد عنها علي اد ما تقدر
اي حاجه محطوطه في علب متقربش منها حاول تشتري اي حاجات مش مصنعه خالص اى حاجه تقلب الضهر تلاقي ارقام
E220
متين وتمانيه الوان مش عارف ايه مواد حافظه ايه متقربش ناحيتهم ارمي كل ده
الألبان البقريه والجالوتينات ابعد عنهم تماما اللبن البقري فيه كازين بيسبب امراض مناعيه هو الي جاب السكر للاطفال النوع الاول
اشرب لبن جاموسي لبن ابل معز كل ده متاح لكن بقري لا متقربش منه
ابعد عن الجالوتينات القمح والشعير والذره زمان كان اهلنا بيهضموه لأن المعده كانت عندهم قويه مفيش مضادات حيوية ولا تلوث بيئي غير أنها اتعدلت وراثيا من كام سنه فأصبحت مليئه بالأمراض
اي حد عنده مرض مناعي لما يروح يعمل تحسس يلاقي الجالوتين علي الاخر واللبن علي الاخر خط احمر طويل كده
ابعد عن الدقيق تماما الشعير ابعد عنه خالص
خلينا في الشوفان خلينا في الكينوا خلينا في الحنطه السوداء خلينا في الدخن
طبعا طحين جوز الهند وطحين اللوز عظمه على عظمه بس لو متوفرين عندكم
الزيوت المهدرجه والسمن المهدرجة وكل الزيوت والسمن النباتي ابعد عنهم تماما
الزيت الوحيد الي يتاكل زيت الزيتون ويتحط علي الاكل علي السلطه علي فراخ علي رز علي اي حاجه بس ميتحطش علي النار الي يتحط علي النار الزبده والسمن البلدي او زبده جوز الهند
كل الحبوب والبقوليات تتحط في ميه ٢٤ ساعه وتتطبخ في حله ضغط علشان تكسر اللاكتينز الي فيها الي بتسبب امراض مناعيه من ارتشاح امعاء الي خلافه
الطماطم تتقشر الفلفل يتقشر ياسيدي حتي لو هتستفاد بنص الحاجه بس عملت لنفسك حمايه من أمراض مناعيه كتير وسهل انك تعمل كده تحط الفول ولا اللوبيا ولا العدس الي خلافه ٢٤ ساعه في المياه بعدين يتعمل في حله ضغط لازم الحبوب تتعمل في حله ضغط
النقطه الي بعد.كده الفيتامينات الاساسيه
فيتامين دال فيتامين دال واقع عند ٧٠ في الميه من الناس وفيتامين دال لما يتعدل يقلل نسبه السرطان خمسين في الميه
ليه عندك نقص فيتامين دال اعمل تحليل ضروري ولو ناقص خده مكمل خد ٥٠٠٠ وحده كل يوم تلت شهور ايام الشتاء
فيتامين سي مهم جدا جدا لازم ١ جرام يوميا بعد الفطار علشان المناعه ضد الفيروسات وضد السرطانات وضد اي مشاكل في الجلد فيتامين سي مهم جدا لكل الناس
فيتامين دال وفيتامين سي مهمين للغايه لازم تاخدهم
النفس العميق مهم جدا تاخد عشر مرات نفس عميق صبح وبالليل بيزود الأكسجين في الخلايا بطريقه عجيبه
النقطه الي بعد كده قبل الضغط العصبي اشرب اشواجندا خدها كبسولات لو مش هقدر علي طعمها المر تصلي فروضك تحاول تقلل الضغط العصبي بشتي الطرق
الرياضه لازم رياضه اجددانا كانوا بيتشغلوا من الفجر للمغرب كانوا تلاقيهم بصحه عاليه لحد سن التسعين لازم لازم رياضه اجري اتمشي العب جيم اي رياضه تناسبك ساعه يوميا
النوم علي عشره بالليل للفجر اصح نوم الخلايا بتجدد فيه بينشط الجسم تماما
تاخدي مالتي مينرالز معادن متعدده شهرين تبطل شهر وهكذا
ده ملخص اساسيات الوقايه من الامراض
No comments:
Post a Comment