ليه فيتامين دال مهم لان كل خليه من ملايين الخلايا فيها مستقبل لفيتامين دال
اذا جميع خلايا الجسم محتاجه فيتامين دال
الفيتامين الوحيد الي ربنا عمل الجسم يصنعه ربنا عمل أن الشمس تيجي علي الجلد تحول الكوليسترول لفيتامين دال ده لان احنا محتاجينه جدا ده لأنه نقصه بيسبب مصايب كتير.
من اهميه فيتامين دال أنه بيكون الهرمونات بيكون هرمونات الذكوره والانوثه والكورتيزول الي بيخلي المناعه كويسه طبعا في مستوياته الطبيعيه
الاول مصادره ايه :
مصادره الشمس عشرين دقيقه كل يوم بس الشمس في الفتره من سته الصبح لعشره الصبح والفتره من اربعه العصر للمغرب
تاني حاجه مصادر الاكل نجيب منين فيتامين دال
موجود في الدهون الحيوانيه
صفار البيض فيه فيتامين دال
بس اهم حاجه خلقها ربنا فيها فيتامين دال زيت كبد الحوت
فيتامين دال بيعمل ايه في الجسم الكالسيوم الي بتاخده بيخليه يمتص من الامعاء ويوصل للدم ويجي فيتامين k2 ياخده من الدم يحطه في الاسنان والعضم
يعني لو خدت الكالسيوم يا ام كبيره عندها هشاشه يا ست يالي بترضع ياست يا حامل حضرتك بتاخدي كالسيوم علشان العظام من غير فيتامين دال مش هيمتص ولا يروح لمكانه المظبوط فيتامين دال لما يدخل مع الكالسيوم يزيد امتصاص الكالسيوم عشرين ضعف ف من غير فيتامين دال مالوش لازمه الكالسيوم الي بناخده
اسباب نقص فيتامين دال
عدم التعرض للشمس
المراره فيها مشاكل او شايلها
الكورتيزول العالي لان الكورتيزول شبيه فيتامين دال وكل خليه فيها مستقبل لفيتامين دال فلما يبقي فيه ضغط عالي الكورتيزول بيكون عالي بيدخل يسد مكان المستقبل كأنه فيتامين دال فلما يجي فيتامين دال يدخل يلاقي المكان مقفول الكورتيزول قفله فالضغط العصبي بيمنع امتصاص فيتامين دال
حل موضوع الشمس تاخد فيتامين دال كبسولات والي عندهم مراره متشاله ياخدوا برشام املاح مراريه
والي عندهم ضغط عصبي والكورتيزول عالي يشربوا اشواجندا ويقللوا الضغط ده
طيب لما ينقص يعمل ايه اعراض نقص الفيتامين
اول حاجه جسمك يكون مكسر مدغدغ
تاني حاجه الناس الي بتجلها ألم في الجسم بعد اي مجهود ضهري شد عليا رجلي وجعاني يفضل يشتكي عضلاتي بتوجعني مش عارف ايه فيتامين دال ربنا حطه في الجسم يخليك تحتمل الألم قدرتك علي استحمال الألم متصله بوجود فيتامين دال
النقطه الي بعد كده لو فيتامين دال نقص يسبب نقص المناعه الناس الي بتقول الهيربز بيجيلي باستمرار دور الانفلونزا بيقعد معايا شهر فيتامين دال ناقص مناعتك ما دام نزلت فيتامين دال وقع منك
يارب عندي اكتئاب وماليش نفس اقعد مع حد والدنيا مسوده في وشي فيتامين دال لما ينقص الاكتئاب يزيد لان فيتامين دال بيعلي السيروتونين هرمون السعاده
نقطه مهمه الدكاتره الي تروحلهم ويدولك فيتامين دال اتنين خمسين الف وحده غير الدكتور علطول الدكتور ده مش عارف الفرق بين فيتامين دال ٢ و دال ٣
دال ٢ ده الصناعي بيدينا خمسين ألف لأنه مش بيمتص بيمتص واحد او اتنين أو تلاته في الميه ورخيص ومش طبيعي من عند ربنا والجسم يفضل يحوله ويتعب الجسم علشان يتحول ل فيتامين دال ٣ فلو سمحت اخد ايه اقولك
تاخد فيتامين دال ٣ ويكون اورجانيك تاخد اد ايه الجسم بيحتاج من ٢٠٠ وحده يوميا ل ٢٠٠٠ وحده يوميا اومال العلبه مكتوب عليها ٥٠٠٠ وحده ليه لأنه مبيمتصش بالكامل اخد خمسه الاف الجسم بيمتص ٢٠٠٠ بتوعه والباقي بيخرج عادي مع المخرجات لازم تاخدها مع دهون فاهم بعد وجبه الغداء كبسوله مع معلقه زيت زيتون مع حته قشطه مع زيت جوز الهند العضوي لأنه بيرتبط بالدهون ويمتص علطول ف انت تساعده تديلوا زقه واهم حاجه دال ٣
الناس الي عندها سكر في علاقه وثيقه بين السكر ونقص دال ٣ في الجسم
الناس الي عندها ضغط عالي في علاقه وثيقه بين الضغط العالي ونقص فيتامين دال ٣ في الجسم
لأنه هو بالبلدي كده داخل في الفين وظيفه في الجسم عرفتوا هو مهم اوي ليه هو ملك الفيتامينات فيتامين دال من غيره مفيش هرمونات
مصايب
دلوقتي عندك
اكتئاب _ سكر _ ضغط _ عدوي فيروسيه _ جلدك مش مظبوط _ هشاشه العظام عظامك ضعيفه _ سنانك بتقع _ الأم في كل جسمك _ همدان علطول
دور علي فيتامين دال ٣ تاخده من مصادر طبيعيه اورجانيك دال ٣ وياريت تاخد معاه ك٢
No comments:
Post a Comment