بدائل الطعام والشراب الصحيه

لما تاخد فيتامين سي تاخد فيتامين سي كومبيلكس متاخدش اي نوع تاني لأنه بيبقي اسكوربيك اسيد بس مكتوب علي فيتامين سي  اسكوربيك اسيد واحد جرام وده مش صح بتملي الجسم اسكوربيك اسيد بس طيب  فيتامين سي الاصلي  عباره عن اجزاء الجزء الخارجي منه الغلاف عباره عن اسكوربيك اسيد في غلاف تاني فوروفانويد بعدين غلاف تالت جواه اسمه الجي فاكتور و آلاف فاكتور وب فاكتور وفي حاجه اسمها تايروزنيز كل ده بيكون فيتامين سي يدينا بقي الحاجات الي عايزنها ويساعد الكولاجين والمناعة وضد الفيروسات فانا لما اروح اشتري من الصيدليه ومكتوب اسكوربيك اسيد واحد جرام يعني بتاخد الجزء الي برا بس بتاع الفيتامين يبقي جسمك هيتملي اسكوربيك اسيد بس معملش فاعليه فيتامين سي فلما تاخد فيتامين سي تاخد فيتامين سي كومبيلكس
ايه بدائل الطعام الصحيه بقي

لو انت عاوز تشرب حاجه ساقعه هات سباركل ووتر واعصر عليها لمونه حط عليها خياره حط عليها اناناسيه حط عليها برتقاله حط عليها نعناعه دي بدل الصودا والكولا والبيبسي بالعكس وصحيه ديتوكس محترم هيزود حمض المعده  وده يحسن الهضم يزود من امتصاص المعادن والفيتامينات هيخلي الكبد انضف ومفيش السموم السوده للناس المدمنه بيبسي كولا والعك ده كله

مثلا الكابتشينو هتلاقي فيه زبده نباتي حاجه زفت طبعا هتلاقي فيه سكر هتلاقي فيه كريمه مش طبيعيه بدل الكابتشينو بكوبايه القهوه الساده لو مش هتقدر ساده حط عليها استيفيا
اشرب شاي ماتشا اشرب شاي اخضر اشرب شاي حليب الشوك اشرب مورينجا الكابتشينو ده مضر ودي بدائل ليه

العصائر الفريش مليانه سكر العصائر دي بتبوظ انسولينك وبتقربك من مرض السكر وبتغذي خلايا السرطان وبتزود السمنه وبتبوظ الهضم
عايز عصير يا ريس متبقاش فاكهه تبقي عصائر خضروات الناس الي تقولك الانزيمات بتتكسر في الخلاط قولهم مبتفهموش الانزيمات بتتكسر بالحراره تعمل عصاير فريش للخضروات وشرط فيه الألياف بتاعته ويتشرب علطول متستناش عليه الي متاح تتعمل لمون برتقاله مياه بالبرتقال مياه بالمون مياه بالاناناس لكن  عصير فاكهه سكر عالي ياجدعان نحاول نقلل منه أو بدله بعصير كرفس عصائر خضروات ياجماعه اصح وافيد

ندخل بقي علي اللبن لبن البقر يتمنع تماما الأول أن حصل طفره جينيه في البقر الكازين الي فيها البروتين اتحول من A2 ل A1 ايه وان ده الي بيبوظ البنكرياس فيجيلهم سكر ده الي بيجيب ارتشاح الامعاء وبهاء وبيجيب زئبقه حمرا وبيجيب كل الامراض المناعية بيخلي مخاط الانف كتير وصدرك مبيخفش من الكحه ومناعتك بايظه وبيجيب حب الشباب وبيجبلك انتفاخ وبيبوظلك الهضم عندك كازين A1 مدمر للبشر

طيب ايه بديله معانا فلوس نجيب حليب جوز الهند وحليب اللوز مش محلي يعني مفيهوش سكر مش لاقي جيب لبن  جاموسي مفيهوش كازين ايه وان والدهون الي فيه عاليه زيه زي لبن الماعز والابل والبروتينات اعلي والسعرات اعلي عايز تتخن اشرب لبن جاموسي عايز تنزل في الوزن متقربش نحيه اللبن الجاموسي سعيراته اعلي فيه فيتامين أ فيه زنك وفيه نحاس وفيه فيتامين ب ١٢

بس هتشرب اللبن اوعي يكون عندك حساسيه لاكتوز ده عباره عن السكر اللي ربنا خلقه في كل الألبان فلو عندك حساسيه من اللاكتوز ده هيسببلك مشاكل عند شرب اي نوع لبن جاموسي  اياكان
منتجات الالبان بقي الزبده مفيهاش لاكتوز وصله لمرحله دهون عاليه وفيها بكتريا نافعه كلت اللاكتوز علشان كده مش مضره زي الجبنه لما تتساب والزبادي اللبن يكتر فيه البكتريا فتاكل اللاكتوز سكر اللاكتوز لكن لو من البقر ايه الي لسه موجود الكازين ايه وان A1 يبقي مشكله اللبن حاجتين الكازين ايه وان في منتجات البقر من البان وزبده والي خلافه  بس الزبده بتوصل قليله قوي  واللاكتوز  لو عندك مرض مناعي حساسيه ضد اللاكتوز  عندك جيوب انفيه حب شباب متشربش اي نوع لبن اشرب لبن معيز جبن معيز وكل حياتنا معيز في معيز 🤣

ندخل علي الجالوتينات بقي يا رجاله فايقين ومركزين ولا مش مركزين القمح بأنواعه الدره فيها جالوتين الشعير
عندنا الشعير والقمح اكبر حاجات فيها جالوتينات
نعمل ايه نمتنع عنهم تماما سليم مش سليم صحيح مش صحيح عيل كبير ملهاش حل تمنع دول تماما ناكل ايه
الدخن ثم الدخن رائع مفيهوش جالوتينات بيريح الهضم وفيه بروتين الدخن عدو الغده الدرقيه لو عندك غده درقيه متقربش من الدخن
تاني حاجه الكينوا بروتين عالي كربوهيدرات نضيفه جدا
تالت حاجه الحنطه السوداء كل دي بدائل تعمل منها عيش مخبوزات اعملها بدل الرز تعمل منها كيك كل ده بدائل صحيه جدا ومفيهوش جالوتينات ومفيد للجهاز الهضمي وبروتينات محترمه وكربوهيدرات محترمه

نروح بقي لي اللاكتينز بص ركز
الطماطم هتشيل البذر وتقشرها تشيل القشره من برا

الفلفل تسلوقه وتقشره وتشيل بذره
كل البقوليات تتحط في حله ضغط وتطبخ وتتاكل
حله الضغط ياجماعه اهم من البنطلون لابنك اهم من اي حاجه دي حياتنا وبتمنع امراض مناعيه ومستقبل اطفال وكبار حله الضغط بتكسر اللاكتينز وتطلعلك اكل صحي أمن ليك ولعيالك بالله حله ضغط كل البقوليات فاصوليا عدس كل حاجه من النوع ده تتطبخ في حله ضغط

نوصل بقي للرز مفيش مشكله في الرز الابيض الرز البني ده يترمي لان اللاكتينز الي فيه في القشره ومش هينفع تشيل القشره وفيه حاجه اسمها الفايتك اسيد تمسك المغنيسيوم والبوتاسيوم والسيلكا والنحاس والزنك وتنزل بيهم ودي مصيبه
الرز البسمتي تنقعوا ويتعمل في حله ضغط

موضوع بقي الزيوت النباتيه مكانهم صفيحه القمامه اقنعونا انها لصحه القلب وهي مدمره القلب
البدائل

 عندك الزبده تحمر فيها السمن البلدي او زيت جوز الهند العضوي ثابته مبطلعش دخان بتقعد لدرجات حراره كبيره عمرها ما بتتأكسد
زيت الزيتون متقليش بيه لاننا مش ضامنين أنه مش هيتأكسد
يبقي زبده وسمن بلدي أو زيت وزبده جوز الهند العضويه

السكر الأبيض يمتنع تماما سم قاتل واساس الالتهابات وغذاء الخلايا السرطانية وكل بلاوي بتحصل في الجسم بسببه

البدائل

الاستيفيا سكر الاستيفيا
الزبيب المجفف ده سكر خالص وصحي