ايه موضوع البقدونس ده بقي فيه
فيتامين سي _ فيتامين أ كتير _ فوليك اسيد كتير _ ومغنيسيوم كتير _ وبوتاسيوم كتير _ وفيه فيتامين ك كتير
وفيه انزيمات هاضمه فيه ماده الابيجينين وفيه ماده الليوتين
فيه مواد مضاده للسرطان
ايه بقي فوائد البقدونس تعالوا نعرف واحده واحده
واحد : مضاد للسرطان فيه ماده
الميرستسين الماده دي بتوقف الخلايا السرطانيه
لو انت كل يوم خدت حزمتين تلاته بتزود الميرستسين في جسمك ودي بتحارب اي خلايا سرطانيه جديده تروح تقضي عليها من الاول
تاني حاجه مضاده للسرطان بيزود الجلوتاثيون وده خط الدفاع الأول في جسمك ضد السرطانات
تاني حاجه عملوا تجارب في تركيا علي الفئران الي عندهم سكر اكتر من أربعين في الميه نسبه السكر قلت باستخدام بس البقدونس
ياكلوا الفئران بقدونس مستوي السكر قل في الدم
بيعمل ايه بيزود حساسيه الأنسولين فالسكر يتعدل ميبقاش عالي
ودي حاجه فعاله فعلا الناس الي ماشيه علي بقدونس كل يوم فعلا معدل السكر بيتظبط عندهم
تالت حاجه انتي اوكسيدانت رائع والي ميعرفش انتي اوكسيدانت فايته كتير دي الخطوط الدفاعيه الي بتموت الشوارد الي بتسبب السرطانات وبتسبب الالتهابات وبتبوظ البنكرياس وبتبوظ العقل
فيه ماده اسمها ابجينين Apigenin الابيجينين دي انتي اوكسيدانت رهيب بيموت خلايا كتير اوي ضاره في الجسم بيموت شوارد حره كتير بيزود مناعه الجسم بيحسن البشره بيحسن التنفس الخلوي يعني الخلايا تاخد الأكسجين وتسيبه بيحسن العمليه دي ف زي حاجه كده اكسير حياه بالنسبه للخلايا ماده الابيجينين دي الي موجوده بكثره في البقدونس
نروح لتالت نقطه البشره الأنتي اوكسيدانت الي فيه وفيتامين سي والفوليك اسيد الي فيه لما بيجي علي البشره بيخليها
فعال جدا في حب الشباب الكلف فعال جدا للكلف
النقط السوداء البشره الي مقشره
او البشره الي بايظه من الشمس
تجيب حزمتين بقدونس تضربهم في الخلاط تحط عليهم معلقه خل تفاح وتعمل الدهان ده علي وشك وتصحي تاني يوم الصبح
ده من أحد أهم الحاجات الي بتستخدم في حي الشباب وفي النقط السوداء هو وكريم النيم كريم النيم والبقدونس حلو جدا للبشره جربها بتضيع الالتهابات الي في الوش حب الشباب مشاكل البشره عمتا بتروح بشويه بقدونس حزمه بجنيه
النقطه الي بعدها مضاد التهاب رائع اتكلمنا علي الزنجبيل اد ايه رائع
الكركم اد ايه رائع
زيت جوز الهند العضوي اد.ايه رائع
كل الحاجات دي مضادات التهابات رائعه
البقدونس ده رهيب للناس الي عندها التهاب الروماتيزمي للمفاصل
لو تعمل عصير بقدونس بالالياف بتاعته من غير تصفيه وتاخده اول حاجه الصبح
اربع خمس ايام وكلمني عن المفاصل كلمني علي التهابات المفاصل رهيب في التهابات المفاصل هو سوبر فوود
هو مش للمفاصل بس هو لكل التهابات الجسم لو عندك كحه عندك التهابات في المثانه عندك التهابات في الكليه بس هو حلو اوي في التهاب المفاصل الروماتيزمي جربوه سبع ايام عصير بالالياف بتاعته وممكن تحط عليه معلقه عسل لو عايز وتشربه اول حاجه الصبح رهيب
فيتامين أ وفيتامين سي وب ١٢ لما يجتمعوا مع بعض احنا بنتكلم عن المناعه يعني ياربي قتل خلايا سرطانيه بيزود الجلوتاثيون ونشط الكبد وعمل مضادات شوارد ممتاز ومضاد التهاب ممتاز وزودلي المناعه
ده عباره عن ايه تركيبته كده وفيتامين ك الي فيه وفيتامين سي الي فيه والفوليك اسيد الي فيه والكالسيوم الي فيه سبحان الله يخلي المناعه تعلي
الي يجيله برد ياخد فيتامين سي الي يجيله اي فيروس لازم فيتامين سي الي يجيله التهابات لازم فيتامين سي فيتامين سي مضاد مناعه رهيب فيتامين سي للبشره وعدم ظهور العجز رهيب لأنه بيدخل في تركيب الكولاجين
البقدونس بقي مليان فيتامين سي ومعاه حاجات تانيه تقوي مناعتك
اول ما يدخل عليك برد اضرب عصير البقدونس اعصر عليه لمونه ومعلقه عسل ومعلقه زنجبيل واشرب وادعيلي
نروح النقطه الي بعدها حصوات المراره انا قولت في الي عنده حصاوي المراره قولنا الي عنده حصاوي الكليه أكثرها اوكزليت البقدونس مليان اوكزليت
الي عنده اوكزليت زياده وبيكون حصاوات مالوش في البقدونس ياريس
العكس بقي الي عنده حصاوات مراره لان اوكزاليك اسيد ده هينضف المراره هينضف الحصوات لو هي صغيره
يبقي عندك حصوات كليه ملكش في البقدونس معندكش حصوات كليه بس عندك حصوات مراره عليك وعلي البقدونس عكس بعض خلي بالك
انا لما اصحي جسمي منفخ وحاسس اني معبي مياه اخد تلت حاجات
منهم البقدونس
شاي الهندوباء
الهليون
اخدهم الصبح لما ابقي منفخ االمياه كلها تنزل
بينضف الكليه لو فيها رمل خفيف
العضم ياريس العضم عايزله ايه عايزله كالسيوم موجود عايزله ك ٢ ياخد الكالسيوم من الدم يوديه العضم والاسنان موجود عايزله ك١ عايز مننا العضم ايه تاني
الكالسيوم موجود و ك٢ وشويه اشعه شمس فيتامين دال وبكده عضمك يبقي حديد هو شويه بورون وسيلكا وعضمك يبقي تمام التمام يبقي كده اديت عضمك وسنانك كل الي هو محتاجه
البقدونس ييحسن الهضم في حاجتين الدهون والبروتينات
في انزيمات في البقدونس تساعد هضم البروتين وهضم الدهون فيريح القولون
البقدونس والخس عاليين اووي في الهضم وخفاف ومبيعملوش انتفاخ وفيهم انزيمات تساعد الجهاز الهضمي وهضمك يزيد كويس وفيهم مياه كتير فالامساك يروح يعني سبحان الله شويه بقدونس وشويه خس يعالجوا الامساك ويسهلولك الدنيا والله يسهلك 😂😂
البنات الي بتجيلها تعب الدوره الشهريه جامد جدا عليكي يالبقدونس شويه عصير بقدونس ايام الدوره بتقلل الالم تماما
بتقلل الالتهابات بترخي الاعضاء الاوعيه الدمويه يرخيها شويه متخليش الرحم ينقبض اوي اوي كده كده هينقبض وينزل الدم بس الالم مش هيبقي زي الاول يعني بقدونس يومين تلاته بقدونس الالم هيخف تماما
حاجه تاني للبقدونس رائحه الفم لو رائحه نفسك مش تمام قولنا قبل كده الي بيضيع رائحه النفس الكلوروفيل بيغير ريحه النفس وريحه الجلد تاني حاجه البقدونس شرب البقدونس المضمضه بالبقدونس هيضيع رائحه النفس الكريهه
انا بتكلم عن حاجه خضره واي حاجه خضرا بتعمل ايه في الجسم قلويه الخلايا في الجسم اي حاجه خضرا بتزود القلويه اي حاجه خضرا بتبعد البني ادم عن السرطانات
ده كل الكلام عن البقدونس ومعجزاته 😍
No comments:
Post a Comment