من هنا نبدأ ابني جهاز هضمي بايظ ومليان كانديدا ومبيهضمش وارتشاح امعاء وتقرح قولون اعمل ايه خدوا بقي عندكم واحده واحده خطوات العلاج
اول حاجه اسمه مرحله تنظيف الامعاء
تقعد من عشر او تلت ايام حسب قدرتك على شوربه عضم البقر دي اول مرحله اسمها مرحله التنضيف تعيش علي خضروات مسلوقه وشوربه عضم البقر بس
أو خضروات علي البخار عشر ايام متاكلش الا شوربه عضم البقر وخضروات مسلوقه
مش هتقدر وتحس بهبوط يبقي تلت ايام بس شوربه عضم فراخ شوربه عضم سمك اي شوربه فيها كولاجين ليه أو شوربه الكوارع ليه فيها كولاجين الكولاجين ليه علشان في امينو اسيد اسمه جلايسين ده امينو اسيد ده الي باخد الكولاجين علشانه
الجلايسين ده من أهم الأمينو اسيد الي في جسمك هو ده الي بينشط الكبد فيحمينا من الأمراض ويزود المناعه هو ده الي بيساعد السيروتونين يعلي فتنام كويس واعصابك تبقي هاديه هو ده الي بيروح القلب بيقوي عضله القلب هو ده الي يروح البنكرياس يقوي البنكرياس ميجلكش سكر الجلايسين هو ده الي بيزود أو بيقوي الطبقه بتاعه الامعاء فميحصلش ارتشاح امعاء عرفتوا ليه دلوقتي ليه شوربه عضم البقر علشان الجلايسين
يبقي انا اعيش علي ده تلت ايام او سبع ايام او عشر ايام حسب الحاله بس اقل حاجه تلت ايام
في ناس مبتستحملش بتهبط وناس بتشتغل ومهندسين مجهودها عالي خلاص خليك تلت ايام تكسرها خالص من اسبوع لعشر ايام مش هتقدر يبقي اقل حاجه تلت ايام
شوربه عضم البقر كل ما تجوع أو شوربه الكوارع الشوربه وخضار مسلوق
اهم الخضروات الي ممكن تاخدها القرع رائع مع شوربه عضم البقر ممكن تاخد عصير الكرفس في ناس يتضايق من شرب عصير الكرفس لو عصير الكرفس عندك مفيهوش كلام أو يعني بتهضمه كويس مش امعائك بايظه خالص ومش قادره علي الالياف الي فيه يبقي انت جالك نجده من السماء لان ناس كتير مبتقدرش علي الكرفس
الناس دي امعائها متهريه فتستخدم ميه الكرنب تسلق الكرنب وتاخد مياه السلق وتشربها أو مياه الباميه الماده اللزجه دي
بنعمل ايه بقي شوربه عضم البقر بتعمل ايه بتقفل الامعاء البايظه بسبب الكانديدا أو التقرحات وبعدها الخضار يديني شويه مواد مغذيه للجسم ويصلح ورا شوربه عضم البقر bone broth
انا ضربت عصفورين بحجر
اول حاجه منعت الاكل الي هي بتحبه الي هو ايه السكر
تاني حاجه اديت مغذيات لان عنده كانديدا عنده سيلياك عنده كرونز أمعائه متقرحه عنده تعويره عنده جروح بتديلوا الحاجات الخفيفه الي تزود المخاط والحاجات الي تصلح الجروح وتصلح الالتهابات الجامده جدا دي
بعد ما يعيش تلت أو سبع ايام او عشر ايام انا منعت الاكل الي بتحبه الكانديدا وبتتغذي عليه تبدأ الكانديدا تضعف جدا
اطلع بقي لمرحله الي بتقعد معايا من شهر لتلاته
تمنع كل ما يتعب القولون
اول حاجه السكريات بعليتها
تاني حاجه الجلوتين وعيلته
تالت حاجه اللاكتوز وعيلته
انت اصلا لو عملت الحاجات دي في اي مرض عندك للجهاز الهضمي عيش علي شوربه عضم البقر وامنع السكريات وامنع الجالوتينات اي نوع من انواع الدقيق أو الشعير وامنع الألبان بس ده لوحده شفاء
يبقي انا كده شيلت الحاجات الممنوعه طيب تبدأ تاكل ايه
احنا دلوقتي الكانديدا قلت ابتدت تتخنق لأننا مبتاخدش حاجات ساقعه خالص مبتشربش مياه ساقعه مبناكلش ايس كريم مبشربش اي مشروبات ساقعه
مبناكلش اي سكر مبتاخدش اي نشويات هتتحول لسكر
طبعا مفيش فاكهه خالص الفتره بتاعه التلت شهور دي الفراكتوز سكر والعسل سكر والبلح سكر احنا في مرحله الكانديدا ربنا ما يوريكوا الكانديدا ووشها الاسود
ف مفيش سكر خالص اخنوقها من السكر
ولا حتي استيفيا ولا اي حاجه شبه السكر
ابتدي اكل ايه بقي عندك اللحوم تمام
لو تقدر تمشي كارنفور اوكيه
متقدرش تمشي كارنفور
امشي كيتو جينيك
مش قادر تمشي كيتوجينيك
امشي كارب نضيف جدا
يعني ايه تاكل لحوم اوكيه
مفيش فاكهه خالص
تيجي للخضار ممكن تاكل بطاطا ممكن تاكل قلقاس ممكن تاكل ملوخيه ممكن تاكل قرع ممكن تاكل باميه ممكن تاكل بتزود المناعه وتعالج مرضي السكر
ندخل للمشروبات
في عصاير تساعدنا الكلام ده يتغسل اول بأول وتصلح الامعاء
اول حاجه عصير الكرفس كل يوم الصبح تضرب كرفس ومتحطليش عليه حاجه لا معلقه عسل ولا لمون كرفس لوحده باليافه وهو طازه اول ما تصحي تضرب كرفس
مش قادر تحط الكرنب وتعمل عليه شوربه وتشرب ميه الكرنب الصبح الحاجات دي كلها بتساعد معايا
البنجر ولو أن سكره عالي فهتسيبه منقوع طول الليل في المياه هيكسر السكر الي فيه شويه
وبعدين تعمله عصير وتاخد تلت كوبايه
البنجر تلت كوبايه مش اكتر لان ده بينشط البنكرياس وبينشطلي الطحال والطحال مهم جدا في الكانديدا علشان كده علشان كده كمان الحاجات الساقعه بتبوظ الطحال والبنجر بينضف الكبد
هنقعد علي النظام ده من شهر لتلت شهور
الموضوع طويل الي عنده كانديدا بيشتكي منها سنين الكانديدا ما دام قلبت مرض تبقي غارسه جوه فعلشان اجيب من الجدور لغايه فوق وتموت كلها عايزه وقت
يبقي انا نضفت من تلت لعشر ايام
وبنيت من شهر لتلت شهور
كلت اكل صحي اللحوم اوكيه الدهون اوكيه الخضروات اوكيه
طول الوقت
معاه الحاجات الي بتزود الصحه العامه وانك تلعب رياضه وميبقاش في استريس وتتنفس كويس وتلعب ضغط يعمل مساج للغدد الليمفاويه
فجهازك المناعي يتقوي
تتعرض للشمس لان فيتامين دال مهم للمناعه
تاخد معادن متعدده
الزنك مهم جدا ضد الكانديدا والمناعة
فيتامين سي وفيتامين E وفيتامين A ادي جسمك الي ناقصه
الكلام ده في اي مرض من هنا لميه سنه
ايه الحاجات المساعده الي تقضي وتسرع في القضاء علي الكانديدا نخليها المقال الجي
No comments:
Post a Comment