احنا دلوقتي بناكل سكريات يقوم الأنسولين يطلع من البنكرياس يفتح الخلايا الجلوكوز يدخل الي هو السكر
تفضل تاكل بزياده بزياده لغايه في يوم من الأيام الأنسولين يطلع ميعرفش يفتح الخلايا هو البواب ميقدرش يفتح الباب للجلوكوز علشان يدخل الخلايا فالسكر يفضل عالي
السكر يفضل عالي والخلايا تقول أنا مجاليش انسولين مجاليش سكر فين الأنسولين
يقوم البنكرياس باعت شويه انسولين تاني فالانسولين يعلي
تخيلوا الأنسولين علي والسكر علي الاتنين عاليين
المفروض ده لما يعلي ده يدخل جوه الخليه
الاتنين عاليين هو ده مقاومه الأنسولين
طيب انا مقاومه الأنسولين دي تهمني للناس الي عندها سكر لا
مرض مقاومه الأنسولين بيسبب الأمراض الاتيه اسمع بقي
واحد تصلب الشرايين
اتنين امراض القلب
تلاته تكيس المبايض
اربعه السمنه وخصوصا حوالين الوسط
خمسه الفشل الكلوي
سته الزهايمر
سبعه الضغط العالي
كل دي مقاومه انسولين
طيب مقاومه الأنسولين نعمل فيها ايه
علاج مقاومه الأنسولين
انا دلوقتي كلت وبقيت تخين وبوظت الأنسولين بتاعي وجالي الأمراض الي قولنا عليها دي
عايز تحل كل ده ومتوصلش للأمراض دي عايز تحل مشكله تكيس المبايض مشكله السكر مشكله الضغط مشكله القلب مشكله تصلب الشرايين
خلي الجسم حساس تاني للانسولين
عالج المرض الاساسي الي منه الشجره
عالج الجذر الي اسمه مقاومه الأنسولين الفروع الباقيه دي كلها بسبب الجذر الي اسمه مقاومه الأنسولين
ازاي نعمل كده
اول حاجه منع النشويات ريح البنكرياس شويه
ريح المفتاح الي عمال يفتح بقاله عشر سنين و ١٥ سنه
امنع السكريات زيرو سكريات
النشويات تقل كل النشويات البسيطه تتمنع تماما
النشويات الي فيها نشا تتمنع تماما بطاطس وبطاطا وبقوليات ورز ومكرونه كل ده يتمنع تماما
كل انواع الخضروات مسموحه الفراوله والتوت مسموحين لما تقلل كل ده الأنسولين ياخد نفسه
اول حاجه علاج مقاومه الأنسولين
ايه العدو الأول للانسولين الي هو الكورتيزول
فلو الكورتيزول عالي الأنسولين يضرب ميعرفش يشتغل فقلل الكورتيزول قلل العصبيه
تالت حاجه بيساعد الأنسولين النوم والميلاتونين فلما الميلاتونين يملي جسمك الأنسولين ياخد باور ومقاومته تقل تماما
اجيب ازاي الميلاتونين ده لازم انام كويس
لو نمت تمن ساعات في اوضه ضلمه وصحيت اول طلوع الشمس الميلاتونين هيبقي تمام في جسمك والانسولين هتقل مقاومته ويبقي قوي
علشان كده انت جسمك ربنا مسستمه مع اول طلوع الفجر الجسم يبتدي يصحصح
لازم تبتدي النشاط من خمسه سته الفجر لان في شمس
الناس الي بتسهر طول الليل وتقولك انا بتخن ليه علشان الأنسولين بتاعك باظ انا مناعتي بايظه ليه علشان الأنسولين بتاعك باظ
يجيلي رفرفه في القلب لما منامش كويس علشان الأنسولين بتاعك باظ مفيش ميلاتونين
مدخلتش جسمك الصيانه بتاعه ربنا كل يوم بالليل من عشره بالليل للفجر
الليل هرموناتك بتتظبط الناقص بيزيد الزايد بيقل
بتدخل المصنع تاخد فورمه جديده لما تنام صح
تمن ساعات بالليل في اوضه مفيهاش نور نهائي
رابع حاجه أثبتت أنها بتحسن مقاومه الأنسولين الرياضه ليه الرياضه
لان الرياضه بتعمل عضلات ادي الخليه العضلايه عليها واحد اتنين تلاته اماكن دخول الانسولين فلما العضلات تكبر بعمل اماكن جديده لدخول الأنسولين ف المقاومه تقل لان لو ده بايظ وده بايظ طيب منا عندي اتنين تلاته جداد فالانسولين يجي ويشتغل
النقطه الي بعد كده لازم تخس
مقاومه الأنسولين تأتي حين تتواجد الدهون في أماكن غير مخصصه لها
يعني ايه يعني الكبد والعضلات لما يبقي فيها جوه دهون تبعت رساله تقول للانسولين متدخليش سكر في دهون كفايه لو فهمت دي هتحل مشكله مقاومه الأنسولين
لو في دهون في الكبد لو في دهون في العضلات بتبعت رساله للباب الي هو بواب الأنسولين متدخليش سكر من الدم عندي طاقه متدخليش الدهون مليانه وعندي طاقه
فانت لو مخستش استحاله امراض القلب هتتعدل استحاله السكر هيروح منك استحاله تكيس المبايض هتروح استحاله الزهايمر هيروح أو ميجيش لان الدهون لسه جوه الخلايا
الدهون بتيجي منين من الأنسولين العالي بتاع السنين الي فاتت دي كلها ومن السكر الكتير
No comments:
Post a Comment