النهارده هندخل عالم الطبيعه عالم النباتات المعجزه
العيله دي بتعمل ايه بقي اقولك
لو عندك استريس تعمل تكيف وتقلل الكورتيزول
لو عندك انخفاض في الكورتيزول تعمل تكيف وترفع الكورتيزول
لو عندك الاستروجين أو التستوستيرون لو حاجه منهم عاليه تقللها لو حاجه واطيه تعليها
طول النهار تخليك نشيط جدا
وطول الليل تخليك نايم بطريقه جميل ونوم عميق شوف سبحان الله علشان كده اسمها عائله التكيف
الصفات العامه ليها
نباتات امنه
نباتات تحتاج التراكم يعني مش اسبوع ولا اتنين تحتاج شهر ولا اتنين علشان تبان النتائج
لا تتعارض مع ادويه تانيه أو ملهاش سميه عاليه لو الجرعات زادت الي حته صغيره في عشبه الماكا بتأثر علي الغده الدرقيه هتتذكر لما نتكلم عليها يعني الباقي كله امنه ومفيش اي اثار جانبيه ليها
السؤال هنا طيب ايه هي النباتات المعجزه دي
اول نبته : الاشواجندا تسمي الجولدين روووت الجذر الذهبي دي الملك دي الكينج بتاعه العيله دي بناخدها تدخل الجسم ياريس تروح تدور علي الغده الدرقيه هااا ياغده يا درقيه اخبارك ايه
والله انا عاليه وعندي اكتيفتي انزلي ابقي طبيعيه
والله الغده الدرقيه ضعيفه ومش قادره تفرز هرمونها ارفعي عدلي الهرمونات
يبقي اي حد عنده مشاكل في الغده الدرقيه ومخدش اشواجندا انت بتلعب
تاني حاجه تروح لاصل العيله دي الي اتوجدت بسببه الكورتيزول العالي ولما الكورتيزول يبقي عالي عد معايا سكر وضغط وصداع هشاشه عظام سمنه حوالين الوسط ومتنمش كويس والاكتئاب تاخد الدم من الجهاز الهضمي فتسبب ارتشاح امعاء ده كله الكورتيزول وبلاويه لو ارتفع يسبب كل ده
تروح للكورتيزول اخبارك ايه
والله عالي شويه انزل
بقالي سنه عندي تعب في الغده فوق كلويه وضعيفه والكورتيزول بيخلص تعلي الكورتيزول هي وتعمل تكيف
الراجل ده طول النهار همدان وهبطان ومش مركز تخليه نشيط اوووي ومركز اوووي وميجيش علي الضهر يبقي عايز ينام يجي بالليل يحط رأسه اول ما ينام ينام نوم عميق
حاجه تانيه بتقلل الكورتيزول بطريقه مباشره فترفع مناعه الجسم يبقي اي حد عنده اي امراض مناعيه لازم ياخد الاشواجندا لو جسمك مكسر عندك مشاكل في النوم ومبتاخدش اشواجندا انت كده بعيد عن الصح وعن العلاج
النساء الي بتقول هرمون اللبن عندها عالي وكمان عدم انتظام الدوره الشهريه وهرمون الاستروجين مش مظبوط لازم تاخدي اشواجندا ده العلاج الامثل
جرعه الاشواجندا الفين ملي
٢ جرام كل يوم يعني لمده شهرين تلاته امنه ملهاش اي سايد افيكت اثار جانبيه وعايزه مده طويله علشان يبان تأثيرها
يبقي لو عايز تبقي نشيط
عايز تنام نوم عميق
عايز تشتغل شغل كتير وبتركيز ولفترات اطول
عندك مرض مناعي وعايز تعالجه
الكورتيزول والاستريس والاكتئاب
يبقي عليك بالاشواجندا
النبته التانيه : الروديولا روزيا
اولا دي نبته بتخسس ليه بتخسس اقولكم ليه بتخسس
لما الكورتيزول بيعلي الدهون بتتحوش في الوسط ف دي بقي المجرمه الي اسمها روديولا بتعمل ايه
تزود نشاط الجسم وتقلل الكورتيزول وتزود الايه تي بي الي هي وحدات الطاقه حرق الطاقه في الجسم بتزودها لما مفيش كورتيزول والطاقه عاليه وفي دهون في الوسط تقوم عامله ايه الجسم يفضل حرق الدهون علي حرق الجلوكوز فيروح لدهون الوسط ويحرقها كلها فدهون الوسط تنزل
ده منشط طبيعي من الطبيعه بيخليك نشيط اكتر تركيز زي العيله دي كلها
بتزود الأكسجين في الخلايا
الاعشاب دي بترفع الدوبامين في الجسم ده بتاع السعاده والمخمخه واحد عنده دوبامين مرتفع يبقي دماغه رايقه هادي مبسوط مفيش اكتئاب بينام كويس
تركيزك زاد
دوبامين بيعلي
دهون الوسط قلت
الكورتيزول اتظبط
النبته التالته : الماكا روووت
دي عباره عن جذور من عيله ايه الماكا روووت من عيله البروكلي
هي تلت انواع :
نوع اسود _ ونوع احمر _ ونوع اصفر
الاصفر ده اقل نفع بيبعوا الأصفر كتير وده مفيهوش فايده جامده الفائده في الاسود أو الأحمر
ايه موضوع الماكا روووت وموضوع الخلفه وموضوع الجنس هنشرح بقي
يتاخد شهر او اتنين لأنه نفس العيله ولازم يتراكم في الجسم
ده من عيله البروكلي فلما اكتر منها الي يتأثر الغده الدرقيه
فشالوا المده الي فيها بتأثر علي الغده الدرقيه
يبقي كل الناس تاخد النوع الاسود أو الأحمر عادي الا الي عنده غده درقيه يدور علي حاجه اسمها جيلاتينيزد Gelatinized
ساعتها تتاخد عادي ومتأثرش علي الغده الدرقيه
بتعمل ايه الماكا روووت بتزود الباور في الجسم جداا
تنام كويس اوي بالليل بس دي ليها بقي حاجه تانيه
دي مسمينها جينسينج بيرو لصفاتها الزياده في القدره الجنسيه للراجل والست
الي عنده عدم الرغبه أو الرغبه انعدمت عليك بالماكا رووت راجل او ست
الي عنده هرمون التستوستيرون واطي وعايز يعلي التستوستيرون أو الحيوانات المنويه عليه بالماكا روت
الست الي عندها الدوره مش منتظمه عليها بالماكا
الست الي عايزه تخلف عليها بالماكا رووت
الست الي عايزه الرغبه عندها تزيد عليها بالماكا روت
افضل للستات والرجال فوق سن الأربعين الستات تحس بالحيوية بالشباب أن جسمها فيه انوثه
علي فكره كبير العيله دي الجينسينج السيبيري الي بيعمل اكثر تنشيط جنسي اكثر تنشيط صحه واكثر تنشيط مخ واكثر نشاط بدني دون تعب
جرعه الماكا روووت من قرص لقرصين ٥٠٠ ملي جرام
تلت اربع شهور وتريح شهر
والاعشاب دى نجيبها منين
ReplyDelete