كل سنه وانتم طيبين 😍😍
هنتكلم النهارده عن النقرس ونكسر المفاهيم الي كالعاده غلط عندنا
بصوا يا رجاله في حاجه في الجسم اسمها البيورين دي حاجه موجوده في كل الخلايا لان ده الي بيكون الحمض النووي بتاعك فالحمض النووي في كل حته ف في حاجه اسمها بيورين
البيورين ده بقي لما نأكله من الاكل الي برا يتحول في الكبد الي اليوريك اسيد طيب هو حضرتك البيورين ده بيجي من برا بس لا
ده الجزء الأكبر من البيورين الي بيتحول يوريك اسيد الجسم بيصنعه
اي خليه بتكسر اي دي أن إيه بيتكسر حاجات كتير اوي تطلعلي بيورين جوه الجسم
يعني انا لو بطلت الاكل الي فيه بيورين من برا هخف من النقرس لا لا لان في بيورين جوه
يبقي اول حاجه في بيورين من برا ومن جوه يبقي اليوريك اسيد من برا ومن جوه
تاني حاجه يروح اليوريك اسيد ده للكليه فاكرين لما قال الدكتور اليوريك اسيد مهم اوي فلما تنزل في البول تروح الكليه سرقاها ومرجعها تاني
السؤال هنا هي الكليه بتسرق اليوريك اسيد وتدخله تاني الدم ليه
هو ده مهم واحنا مش عارفينه ولا ايه
هو اليوريك اسيد ده الجسم بيستخدمه ولا ايه واحنا فاكرينه سن زي الكوليسترول ولا ايه
ليه ربنا عمل الكلي اليوريك اسيد الي ينزل من الكلي
يبقي اول حاجه الجسم عايز اليوريك اسيد تاني حاجه ودي نقطه مهمه تخلي بالك منها
طيب دلوقتي انا عندي نقرس روحت لقيت اليوريك اسيد عالي اكتر من تمانيه يعني هو لحد سبعه تمام من تمانيه ل ١٢ انت بتتكلم في المرض الي مكتوب في الطب الي اسمه النقرس
وصباعي ورم واحمر والام رهيبه شوك في ناس بتقول اكتر من الام الولادة رعب متخيلين النقرس ده عامل ازاي
قالولي بطل اللحوم الحمراء وخد يوريسيلفين وهتخف ولا انا خفيت وانا اصلا مبكلش لحوم حمراء هو النقرس ده حكايه ايه
هقولكم الحكايه
النقرس مش لحمه ادي اول حاجه
تاني حاجه البيورين موجود من جوه الجسم انت مش هتقدر تمنع أن الجسم يعملك يوريك اسيد
الجسم بيستخدم اليوريك اسيد كانتي اوكسيدانت بينضف بيه الخلايا السرطانيه
ده ليه نعمه كبيره اليوريك اسيد ده
في ناس عندها اليوريك اسيد تسعه وعشره ومعندهمش نقرس ليه
يبقي احنا باصين علي النحيه الغلط تعالوا نبص علي النحيه الصح
انا عايز امنع دلوقتي المرض الي اسمه النقرس الي هو التهاب المفاصل بسبب كريستالات اليوريك اسيد هو ده هو ده
يبقي اول حاجه الي يسبب الالم والنقرس وجود التهابات في الجسم
لو مفيش التهابات في الجسم بل يمكن يجيلك نقرس مهما تاكل لحمه وده يفسر الكيتوجينيك ليه مبيجلوش نقرس ليه لأنه نظام غذائي مانع للالتهابات ادي اول حاجه يبقي الالتهابات تسبب نقرس
تاني حاجه من أسباب النقرس السكر الناس الي عندها سكر غير الضغط ومتلازمة الايض دائما عندهم نقرس ليه بقي لان السكر عالي الأنسولين عالي الأنسولين لو عالي والسكر عالي ايه الي يحصل في الجسم الالتهابات بتزيد ف ايه يلتهب اكتر كريستالات اليوريك اسيد الي موجوده عادي في الدم وتتحول لمرض النقرس يبقي سكر والتهابات اساس مرض النقرس
من غير سكر ومن غير التهابات مش هيجيلك نقرس مهما تاكل لحمه
النقطه الي بعدها دول قالولي بطل اللحوم وعيش علي العصاير
وكل شويه فاكهه النقرس زاد عندي لان سكر الفراكتوز الي موجود في الفاكهه
يعني بيقولوا ايه كل كوبايه عصير فاركتوز أو كوبايه بيبسي او كوكا تتضاعف اليوريك اسيد في الدم ونفس الكلام الكحوليات النقرس عمره ما هيتظبط عندك وعمره ما هيروح
لان ده عباره عن سكر عالي اوي فبيعلي اليوريك اسيد اوي فيجيلك نقرس
يبقي التهابات وفراكتوز وسكر وسمنه ارتباط وثيق بين الناس المليانه ليه دايما تبقي صحتهم تعبانه الناس المليانه ليه دايما يطلعها حبوب والتهابات وبين الفخدين وفي الجسم التهابات كتير وحبوب ليه لان الالتهابات عندهم عاليه لان علطول ما ادم سمين يبقي الأنسولين عنده بايظ مش شغال كويس عنده مقاومه انسولين فالالتهابات طول الوقت عنده عاليه عايز تخف من النقرس السكر اتظبط لا روح اظبط السكر بتشرب خمور بتاكل فواكه قلل الكلام ده كله سمين تخس دي الحاجات البوينت لسه التقيل كله جي ورا
يبقي عرفنا أنه النقرس مش ارتفاع اليوريك اسيد دي التهابات زياده في الجسم فتخش تضرب الي تلاقيه ادامها اعصاب تجيب التهاب اعصاب طرفيه عين التهابات عين جلد التهابات جلد.اوكسالات اليوريك اسيد فتخش تجبلك نقرس يبقي تعالج وتمنع التهابات ميبقاش في نقرس
ايه بقي علاج النقرس النهائي خلال ٤٨ ساعه خلوها البوست الجي 😍😂
No comments:
Post a Comment