العلاج أو الحل هيتقسم لأربع خانات الخانه الأولي
حرك جسمك العب رياضه شيل حديد اتمشي اعمل استريتشات اختار الي يناسبك ويناسب سنك من الي قولتهم واعمله لازم مجهود وتشد علي جسمك شويه
تاني خانه التغذيه السليمه وهنا عندك بقي
لما يبقي عندك هشاشه وبقولك خد كالسيوم سيبه وامشي كلنا عندنا زياده كالسيوم محدش عنده نقص كالسيوم والدراسات أثبتت ده بالعكس أثبتت أن الي بياخد كالسيوم بيموت بالجلطات وتصلب الشرايين الي خلافه مفيش حد عنده نقص كالسيوم الا نوادر اووي بسبب اسباب معينه فجالهم نقص كالسيوم
والأهم عندنا الي لازم تاخديه فيتامين دال قصته ايه بقي انت بتاكل الكالسيوم من كل حته فهو موجود في الامعاء دلوقتي لو اتساب هيعمل حصاوي كلي فيجي فيتامين دال ٣ وياخده ويحطه في الدم ولو الكالسيوم اتساب في الدم هيسبب تكلسات الاوعيه الدمويه وهيسبب جلطات فيجي فيتامين ك٢ ياخده من الاوعيه الدمويه يحطه في العضم والاسنان ويجي فيتامين ف ياخد الباقي ويحطه في الجلد علشان يحمي الجلد من السرطانات يبقي كده حطيت الكالسيوم في مكانه الطبيعي في عضمك وسنانك وجلدك
تاني حاجه بعد فيتامين دال لازم مغنيسيوم اوعي تاخد كالسيوم من غير مغنيسيوم اغلبنا عنده نقص مغنيسيوم من أربعين خمسين في الميه الي ماتوا بجلطات في القلب عندهم نقص مغنيسيوم ليه مهم لأنه مبيخليش الكالسيوم عالي لأنه بيرخي الاوعيه الدمويه علشان كده ميجلكش امساك لو انت بتاخد مغنيسيوم لأنه بيرخي الامعاء ميجلكش ضغط عالي لأنه بيرخي الاوعيه الدمويه فالضغط يقل يخليك تنام كويس لأنه بيعمل ريلاكسيشن للعضلات
يبقي كده تاخد فيتامين دال ومغنيسيوم
فاضل تلت حاجات لازم تاخدهم مهمين جدا للعضم لأنك من غيرهم انت مفكش عضم مفكش ركب مفكش عمود فقري
اول حاجه الكبريت ليه فوائد كتير
مهم جدا للجلوتاثيون لأنه مضاد للسموم في جسمك
الكبريت ده بقي مهم جدا للمفاصل والعظام الكبريت في كل خليه من خلايا جسمك الكبريت بيدي العظام ويدي المفاصل الحياه موجود فى البصل والتوم والخضروات موجود فى البيض وكمان موجود فى القهوه في ناس بتسأل ايه رأيك في باودر msm سحر المفاصل الكبريت يسمي بمعدن الجمال لأنه بياثر علي الشعر والجلد كل ده ام اس ام عباره عن كبريت اورجانيك بتاخد ربع معلقه من الباودر ده كل يوم بتلاقي مشاكل العظام اتحلت
وجع العظام راح الشعر بقي تمام والجلد بقي تمام ايه ده في ايه لان انت كان عندك نقص كبريت
مهم جدا msm powder لو انت عندك نقص كبريت يعني تعمل تحليله طلع عندك نقص تاخده
بيحفز الجلوتاثيون وبالتالي هيشيل الشوارد والالتهابات في جسمك فيروح التهابات المفاصل والتهاب الانسجه تروح لان جسمك مناعته بتزيد تالت حاجه بيعملها الكبريت بيزود الأكسجين في الخلايا فلما يزيد الأكسجين المناعه بتاعه الخليه تزيد فمتخيل المفصل يبقي عامل ازاي ده هيمشي وانت نايم لوحده 🤣
حاجه تانيه بقي مهمه جدا اسمها البورون ده عباره عن معدن من المعادن الي مش موجوده في التربه
البورون ده بيضرب عصفورين بحجر للناس الي بتشتكي من هشاشه عظام بيعمل ايه اقولك د
بيعلي الاستروجين في الستات
وبيعلي التستوستيرون عند الرجاله يعني بيشتغل علي الهرمونات
تاني حاجه بيعادل بين الكالسيوم والمغنيسيوم هو الميزان بين الكالسيوم والمغنيسيوم
البورون بيحارب السرطانات في الجسم ولذلك بيؤدي لزياده المناعه بيزود من امتصاص فيتامين دال فيتامين دال الي بيزود من امتصاص المغنيسيوم والبوتاسيوم ده بيساعد فيتامين دال تخيل حجم الفايده بتاعته
لو معندكش بورون المغنيسيوم والبوتاسيوم هيتظبطوا ازاي علشان يدخلوا العضم ويظبطوا الكالسيوم في الجسم من غير البورون كانت هرموناتك هتتظبط ازاي
البورون خمسه ملي جرام تاخدهم كل يوم موجود في كل المكسرات
السيلكا بقي نتكلم عنها معدن بردوا من المعادن trace minerals المعادن الي مش موجوده في التربه
بتحتاج منها ٤٠ ملي جرام كل يوم
ايه السيلكا دي بقي بتدخل في المفاصل وبتدخل في العضم لما تحصل حركه بيعمل زي كهربا خفيفه مكان الكهرباء دي تيجي المعادن كلها تنزل البوتاسيوم والمغنيسيوم والفسفور والكبريت والبورون كل ده ينزل في العضم بسبب أن السيلكا بتعمل شحنات كهربائية مكان ما بنتحرك مكان العضم ما بيتعب مكان العضم مامحتاج بناء يبقي الي بيصفر الحكم الي بيقول للمعادن تعالوا هنا السيلكا السليكا دي موجوده فين في الشوفان الرز والموز طيب والكيتوجينيك تاكلوا ايه تاكلوا سبانخ مليانه سيلكا
عارفين بقي ادويه هشاشه العظام الي بتكتبها الدكاتره بتعمل ايه اقولكم عارفين في خلايا بتكسر عظام والتانيه بتبني
الادويه بتاعه هشاشه العظام البني ادم الذكي عمل ايه ادي دوا يقلل الخلايا الي بتكسر العضم القديم فالعضم الجديد يركب علي القديم فانت بتجدد الحيطه وفي تحت دهان قديم بايظ وواقع فتلاقي العضم زاد بس القديم متشالش ربنا مخلفش اكلات العظام كده دي مش زياده في جسمك علشان توقفها ده بيسبب كسور لوحدك تيجي ماشى تلاقي العضمه اتكسرت تيجي تسند تلاقي العضمه اتكسرت تطلع الرصيف تلاقي العضمه اتكسرت يقولك أصل انت عندك هشاشه لا ادويه الهشاشه هي الي عملت كده بنت النضيف علي الي مش نضيف لأنك وقفت اكلات العظام
حد قالكم خدوا فيتامين دال مغنيسيوم بورون وسيلكا وكبريت محدش قالكم طبعا
العلاج الدوائي لمريض غضاريفه تعبانه أو متأكله
فيه تركيبه دي المواد الاساسيه لبناء الغضاريف هنزل صورتها
جلوكوز امين سالفيت
كوندراتين سالفيت
ام اس ام و هيورونيك اسيد
التلاته دول بيبنوا الغضاريف اصلا متكونه من الحاجات دي
ندي الاجسام الحاجه الي تكون المفاصل دي وتعمل ليونه في المفصل تاني
خدهم صبح وبالليل هتلاقي تحسن بشكل جميل في المفاصل
قولنا رأيك وتجاربك في كومنت
No comments:
Post a Comment