وانت جسمك مفيهوش معادن كامله وفيتامينات كامله اوعى تعمل ديتوكس لنفسك
يبقي عرفنا اننا متعملش ديتوكس خالص لنفسنا نخلي الكبد يعمل هو الديتوكس بتاع ربنا الطبيعي
ازاى يا دكتور الديتوكس مرحلتين ازاى
المرحلتين بيحتاجوا حاجات كتير اوى فيتامينات كتير ومعادن كتير وبروتين كتير
فالحاجات الى هقول عليها لازم تديها للجسم لو انت عايز كبدك يشتغل كويس عايز تعمل ديتوكس محترم عايز تقى جسمك من الأمراض وتساعد الكبد بتاعك
اول حاجه البروتين
المرحله الاولى من الديتوكس والمرحلة التانيه محتاجه بروتين عالى
تانى حاجه محتاجه كبريت والى ميعرفش اهميه الكبريت ميتكلمش فى الكبد ميعرفش يعنى ايه ديتوكس ميعرفش بيعمل ايه فى الكبد بتاعه
الكبريت عنصر اساسي فى عمليات الكبد للتخلص من السموم
الكبريت ده فى البروكلى فى القرنبيط والكرنب عالى اوى
فى التوم والبصل عالى اووى
عرفتوا بقي الحاجات دى بتمنع السرطانات ليه مهم اوى للكبد علشان بتساعده للتخلص من السموم بس لا
الكبريت بيحمي الجسم من الاستروجين العالى
ايه دخل الاستروجين دلوقتي
حضرتك يا استاذ يا فاضل يالى فوق الاربعين غالبا الاستروجين فى جسمك أعلى من الاستروجين الى فى مراتك فى سن الأربعين
الاستروجين لما يعلى فى الستات بيجي ألم فى الصدر والدوره الشهريه تيجى بألم كبير
أما فى الرجاله لو الاستروجين عالى بتعمل سرطان بروستاتا لو هو عالي بتلاقي الدهون بتتركز كلها في الصدر والجناب
بتلاقي عندك القدره الجنسيه مش قد كده تلاقي شعرك بيقع منين طيب الستات ماشي إنما الرجاله
كل المبيدات الحشرية الي حواليك تعملك استروجين عالي القول الصويا يديك استروجين كل علبه حديد فيها فول فيها حمص فيها اي حاجه في حديد بتديك استروجين
مين وظيفته يشلنا هرمون الانوثه الاستروجين الكبد
لو الكبد مفيهوش كبريت مش هيشيل الاستروجين من جسمك وندخل في الليله الفظيعه دي
حتي الستات لو مكلتش بروكلي وخدت كبريت من مصادره جسمها مش هينقي الاستروجين الزياده الي علاقته اساسيه بسرطان الثدي عند النساء
لو الاستروجين فضل مظبوط سرطان الثدي مش هيجي لتسعين في الميه من الحالات
لو الاستروجين مظبوط والكبد بينضفه مش هيجيلك سرطان بروستاتا
عرفتوا ايه رابطه الثوم والبصل في تقليل السرطانات فهمتوا لان هما بيدوا الجسم كبريت الكبريت مع البروتين يخلي الكبد ينضف الدم من الهرمونات الزياده أو من السموم الزياده
نقطه تانيه مهمه اوي الكبريت
مين شايل اللوز
اللوز دي مخزن الكبريت في الجسم فاي حد شايل اللوز معندكش كبريت في جسمك لازم تاكل ثوم ويصل وقرنبيط وكرنب لازم لان معندكش كبريت مش هيحصل ديتوكس في جسمك
كده عرفنا الديتوكس تديلوا كبريت وبروتين
طيب ازاي اساعد الكبد بحاجات تانيه
تساعد الكبد مهم اوي أن الغده الدرقيه عندك تكون مظبوطه
لان الغده الدرقيه لو وقعت الكبد بيشيل الحمل
لو الغدة الدرقية قلت الكبد بيتعب اكتر لان المجهود بتاعه بيزيد
طيب قولنا علامات بسيطه لو الغده الدرقيه وقعت
اول حاجه ممكن يجيلك امساك
تاني حاجه شعرك ابتدأ يقع أو بقي خفيف تالت حاجه عمال تتخن
ضغطك يبقي واطي تلاقي ايديك ورجليك ساقعين
داخل علي اكتئاب
ايه ده الحاجات دي موجوده اكشف عن الغدة الدرقية مش ناقصين لو وقعت كبدك هيشيل الحمل حملين
حاجه تانيه لو اليود قل في الجسم بتاعك الغده الدرقيه هتتعب اليود من اعشاب البحر تاخده برشام ميه وخمسين ميكروجرام كل يوم بعد استشاره طبيبك المختص
خلي بالكم اليود مهم جدا مش الغده الدرقيه بس مهم جدا للخصيه ومهم جدا للمبايض فلازم علشان تساعد كبدك تديه يود علشان الغده تشتغل وتشيل الحمل حبه عن الكبد وتبقي مساعده من جانب تاني
ركز معايا علشان متوهش مني الكبد لو وقع عرفنا علاماته
الكليه لو تعبت عرفنا علاماتها
ودلوقتي الغده الدرقيه عرفنا علاماتها
طيب انت قولتلنا الملح إلى عليه يود هو ملح الطعام الهيمالايا مش عليه يود
وملح البحر مش عليه يود
اليود لازم يتاكل اعشاب البحر
مليانه يوود ده الى نعتمد عليه مش ملح البحر
موجود فى الاسماك والالبان
عايزين نعرف اليود مهم ليه
اليود والتيروسين يمسكوا في بعض يعملوا هرمون الغده الدرقيه يبقي كده عرفنا علاقه اليود والغده الدرقيه ايه
اجى بقي لنقطه الكبد وحمايته ضد السرطان من الاستروجين العالى
السرطان أحد أهم اسبابه الى اكتشفوها أن في جين بيتغير فيغير الحمض النووي فيبقي سرطان
ايه الفرامل بتاعه الجين أنه يتحول لسرطانات حاجتين
اليود لسه متكلمين عليه
وفيتامين دال
اليود وفيتامين دال دول البوليس الى بيحكم الجين السرطانى فهمتوا بقي اليود مهم اد ايه وفيتامين دال مهم اد ايه
لو انت جسمك غامق كل ما اغمق جسمك الامتصاص بتاع الشمس بيقل فيتامين دال
فما بالك الناس السمر جدا الدال قليل فيهم خالص
بالنسبه لفيتامين دال بياخد الكالسيوم من الامعاء يدخلوا الدم وبعدين من الدم يروح بواسطه فيتامين F للجلد فالكالسيوم الي موجود في الجلد يحمي من سرطانات الجلد
غير فيتامين دال مع اليود بيقفلوا الجين بتاع السرطان
دي نقطه مهمه جدا
نقطه تانيه لفيتامين دال متاخدوش علي الفطار خده علي الغدا مع شويه دهون نسبه امتصاص تزيد خمسين في الميه
يبقي فيتامين دال مع اليود بيساعدوا الكبد أنهم يوقفوا الجين بتاع السرطان
ايه تاني الجسم محتاجه علشان يعمل ديتوكس محترم
فيتامين ب ١ ( الثيامين) ده اسمه الثيامين
موجود في الشوفان موجود في المكسرات
موجود في البيض وموجود في كبده البقر وكبده الفراخ
الثيامين أو ب ١ ده لما يقل في جسمك تلاقي الست تعيط بسهوله
تلاقي الاكتئاب داخل عليك اهلا وسهلا 😂 خد عندك دي بقي الناموس يحبك
انتوا عارفين أن فيتامين ب١ أحد وظائفه بيطلع ريحه معينه في العرق تخلي الناموس يبعد عنك احنا مبنشمهاش
يبقي الثيامين مهم جدا علشان عمليه الديتوكيس بتاعه الكبد
ايه الي بيضيع الثيامين من الجسم حاجتين
الاستريس الضغط النفسي
والسكر
بياكلوا الثيامين من الجسم
تاني حاجه مهمه في عمليه الديتوكس
الزنك
وانا لقيت مصيبه ٦٠ ٪ من البشر عندهم نقص في الزنك
ايه الزنك الي طلعلنا في المقدر جديد ده كمان
الزنك ده عامل مهم جدا لشغل الكبد الزنك مهم جدا لمرضى السكر
الزنك مهم جدا للحيوانات المنويه بتاعه الرجاله
الزنك ده موجود في ايه ولو نقص يحصل ايه
موجود في اللحمه الحمرا موجود في الأسماك موجود في الكاجو واللوز
طيب لو الزنك واقع في جسمي اعرف ازاي الزنك مش موجود
تساقط الشعر شعرك يقع فكر في الزنك
عندك خطوط بيضاء فى الضوافر
الرجاله الكعوب بتوجع لو عندك ألم مزمن فى الكعب غير الشوكه العظميه الزنك بتاعك قليل
الناس الى بتقول مش عارفه اشم حاسه الشم راحت الزنك الى راح يا حبيبي
تاخد ١٥٠ ميكروجرام كل يوم ده الى بتحتاجه
من حته لحمه من كاجو من اسماك اى حاجه فيها زنك
خلى بالكم لو بتاخد زنك كتير النحاس هيخلص من جسمك الو هتاخد زنك لازم نحاس معاه بس ميبقوش فى نفس البرشامه والوقت لان الاتنين بيتخانقوا على الهضم واحد يدخل وواحد ميدخلش فابعد الزنك عن النحاس الا لو كليتيد مينرالز
كده عرفت الزنك مهم جدا عرفت الثيامين مهم جدا
الكبريت مهم جدا
عرفت أن البروتين مهم جدا
للكبد وصحه الكبد وعلشان الكبد.يعمل ديتوكس من رباني لازم ليه كل ده تعمل تحليل والناقص تكمله من مصادره الطبيعيه معرفتش تاخده مكملات طبيعيه بردوا اورجانيك بنفس النسب
نكمل حلقه الكبد المقال التالت لأنها طويله
No comments:
Post a Comment