ربنا خلق انبوبه كده اسمها المرىء مش حامضه بعدين في قفله كده جامده جدا بعدين المعده حبيبتنا فيها حمض شديد الحموضه ال بي اتش بتاعته درجته حموضته واحد او اتنين يعني لو رميت مسمار يسيح
فانت الي بيفرق المرىء والمعدة القفله دي القفله دي لو حصلها مشكله الحمض بيحصلوا ايه بيطلع المرىء المرىء يستحمل يوم اتنين كتر الف خيره بعد كده يبتدي يديك الحرقان انا مولع ياريس ياناس ارحمونا حرام عليكم 🤣
الناس كلها وغلطات الأطباء اي حد بيجيلوا حموضه بنكتب مضاد حموضه ومضادات الحموضه قاتله يعني وليه بتقول قاتله لانها بتوقف حمض المعدة ربنا خلق حمض معده يعمل ايه ايه وظايف حمض المعدة
اول حاجه بتكسر البروتينات البروتينات صعبه جدا اللحوم ف الي بتهضمها حمض المعدة ف لازملها حمض معده قوي جدا
تاني حاجه امتصاص المعادن والفيتامينات من غير حمض معدة مش هيبقي في معادن تمتص والمعادن دي روحك
تالت حاجه بتموت البكتريا والفيروسات اي بكتريا جايه من برا تتدخل حمض المعدة تتحرق
مفيش حمض معدة جرثومه معدة هتظهر الكانديدا هتظهر المناعه باظت لان كل الجهاز الهضمي أتأثر بالبكتيريا الوحشه الي ظهرت فيه
ربنا عمل القفله الي في المرىء دي قلويه علشان تحمي المرىء من حمض المعدة فحمض المعدة طول ما هو قوي اول ما يلمس الفتحه دي تقوم قفله ليه لان هي وظيفتها حمايه المرىء
لما الحموضه تبقي تعبانه وهنقول ايه الي بيقلل حمض المعدة دلوقتي
فيجي يلمس الفتحه دي فتقول ده حمض تعبان مش قوي فهقفل ليه فيطلع من آلفتحه يعملك حرقان المرىء
لو حمض المعدة القوي السليم وصل المرىء يحرقه
لو وصل الحمض القوي جدا الطبيعي الي في المعدة للمرىء يحرقه
فهمت كده الي بيحصل
ايه الي بيبوظ حمض المعدة
اول حاجه ادويه الحموضه
تاني حاجه الاستريس طول ما انت عندك ضغط عصبي والكورتيزول علي بياخد الدم من الامعاء مش وقت اكل في استريس ومشاكل عندنا ودي الدم للمخ والقلب فلما المعدة يقل الدم بتاعها الحمض ميفرزش
تاني حاجه لما الكورتيزول بيكون عالي الحمض بيفرز بكميه قليله
فانت كل ما يكون عندك استريس وحد مضايقك تلاقي الحموضه زادت
ليه لان انت عندك استريس عالي
الحاجه الي بعد كده تقلل حمض المعدة عند السيدات ايام الدوره الهرمونات دي بتخلي الفتحه بتاعه المرىء مش قويه وبتخلي الحمض ضعيف فالستات يجيلها حموضه اول الحمل الهضم يبوظ
لو انت عندك حاجه ضغطه علي المعدة من تحت فعماله تضرب الحمض لفوق
الدهون ياريس لو انت تخين الدهون ضغطه علي الامعاء من برا ومن جوه فمخليه الضغط لفوق مفيش مكان اتنفس الكرش مش مخليني اتنفس وعندي حموضه الضغط ضارب في المعده بسبب الدهون والمعدة بتطلع لفوق
حاجه تانيه البنطلونات الضيقه الضغطه دي بتضغط المعدة والحمض يطلع علي فوق
نعمل ايه بقي. علشان تخلص من الحموضه اللحمه علي النار 😂
في حاجات بسرعه وحاجات علي الأمد الطويل تعالوا نخلص الحاجات البسرعه الاول وبعدين نشوف الي علي الأمد الطويل
اول حاجه خل التفاح العضوي وليه عضوي علشان ميبقاش فيه مبيدات ليه عضوي علشان يبقي نقي
ليه عضوي علشان بيبقي في بروبيوتك
معلقتين صغيرين أو معلقه خل تفاح علي كوبايه مياه كبيره وبعد الاكل مش علي معدة فاضيه ومش الصبح وتتاخد بشفاطه علشان متبوظش السنان
ومتخدهاش كل يوم علشان لو اعتمدت على خل التفاح طول عمرك المعدة هتعمل ايه ما انت جايبلي من برا حمض انا هشتغل ليه انا هقعد مش هشتغل
فخلي المعدة بردوا تشتغل احنا بنساعد المعدة مش بنشل المعدة
خل التفاح بيعمل ايه بيرفع حموضه المعدة فاول الحموضه ما تعلي يجي يعدي الباشا الحمض ده تقوم الفتحه قفله علشان تحمي نفسها والمرىء بسرعه يبقي اول حاجه خل التفاح
تاني حاجه الملح ملح الهيمالايا
ملعقه ملح الهيمالايا تحت لسانك وتمصها
لو مش قادر خلاص بس في ناس بتقدر
ليه الملح لان فيه صوديوم لان الحمض علشان يفرز عايز تلت حاجات
عايز صوديوم وهيدروجين وزنك
الزنك والصوديوم ممكن ينقصوا
فالناس الي عندها نقص زنك هنقولهم يعملوا ايه في العلاج دلوقتي
خلينا دلوقتي في الصوديوم فلما تاخد ملح بيزود افرازات الجهاز الهضمي بيدي صوديوم فالقفله دي تقفل كويس
يبقي خل تفاح بعد الغدا معلقه أو معلقتين علي كوبايه مياه كبيره ومش كل يوم وبشفاطه
الملح معلقه ملح
تالت حاجه الجيجنر جذور الزنجبيل لو قطمت حته زنجبيل ومضغتها تدي اشاره للفتحه دي تقوم قفله
ناس مجرد ما تشرب زنجبيل الحموضه بتروح
الأخطر من كده الفظيع العرقسوس وما ادراكم ما العرقسوس ده سحر
بيزود حمض المعده
ويزود البطانه الي تحمي المعدة من الحمض
ويزود قفله المرىء
يبقي الحاجات السريعه اووي
الملح خل التفاح الزنجبيل والعرقسوس يكون دافئ مش ساقع أو تيجب حبوب العرقسوس
اه صحيح ادويه الحموضه كلها تقف
مكتوب في ادويه الحموضه انها اكتر من ست شهور بتسبب سرطانات معدة
العلاج على الأمد البعيد
متاكلش ومتشربش قبل النوم بساعتين لان انت الحمض ده بيفرز لما بيكون في اكل من غير اكل الحمض مش موجود الحمض ضعيف فانت مكلتش ومشربتش قبل النوم بساعتين لما تيجي تنام حضرتك لو انا عندي الفتحه دي ضعيفه لاي سبب طول ما انا واقف الاكل والمياه تحت
طيب انا نمت هتقفل ازاي ففضى معدتك من المياه ومن الاكل علشان ميبقاش فيها حمض علشان ايه حتي لو طلع حبه صغيره متأذيش المرىء
نقطه تانيه بيكربونات الصوديوم الي هي البودره البيضه ناس بتقول بناخدها بنرتاح
لو انت عندك حموضه خد معلقه بيكربونات واشربها بس خلي بالك مهمه جدا هي هتنزل علي المرىء الحمض الخفيف ده هتعادله فالوجع هيروح لان المرىء مش هيبقي فيه حمض
بس هتنزل فين في المعدة هتقلل حمض المعدة يبقي علشان تاخد بيكربونات متخدهاش كتير
علشان تاخد بيكربونات ميكونش المعدة فيها اكل علشان تعرف تتهضم
لو هتاخد بيكربونات متخدهاش كل يوم علشان حمض المعدة ميدمرش لفتره طويله
لازم تخس علشان الضغط علي البطن يقل
لازم متاكلش ومتشربش قبل النوم بساعتين
متشربش مياه قبل الاكل ولا بعد الاكل بنص ساعه
علشان ميخففليش الحمض لو انت عندك مشكله يعني عندك حموضه متاخدش مياه قبل الاكل بنص ساعه او بعده بنص ساعه خلي الحمض يزيد خلي فتحتك تقفل خلي ربنا يكرمك
متاكلش عيش دقيق خالص لان ده عباره عن سفنجه بتمتص الحمض فانا لو امتصت الحمض مبقاش في حمض في المعدة لللهضهم وهيطلع باقي الحمض للمرىء لأنه مبقاش قوي فيطلع يتعبلي المرىء
حته العيش دي بتقلل الحموضه فتعمل ارتجاع المرىء
حته النوم بقي اعدل السرير الناس الي عندها ربو عندها القلب الي عندهم مياه علي الرئه الناس الي عندها ارتجاع مرىء ارفع السرير
اللي يقول حطيت مخده زياده المخده رفعت رقبتك بوظت فقراتك بوظت جهازك العصبي لا
ارفع السرير تجيب طوبتين تحت رجل السرير من فوق
وانت رافع السرير انت جسمك مايل فالحموضه كلها مائله لتحت فالحمض نزل لتحت صعب الحمض يطلع اوعصارات المعدة تطلع من الفتحه لو هي ضعيفه أو مش شغاله متوصلش لأنك مايل بجسمك
كده هتنام كويس الربو هيقل الي عنده قلب هيتنفس احسن
الي عنده ارتجاع مرىء هينام بسلام
ناكل اكل صحي مناكلش اكل بيزود الالتهابات
السكر الجالوتينات الألبان والبقوليات بيزود الالتهابات في الجسم قلل الالتهابات في جسمك علشان معدتك تتظبط الله يكرمك ادخل كيتوجينك اسبوعين تلاته لحد ما مشاكل القولون ما تروح وبعدين ابقي ارجع كل عادي
لان الدهون واللحوم اكل لا يسبب التهابات
خد زنك خمسين ملئ جرام قبل ما تنام الزنك بيزود حمض المعدة
يبقي احنا كده خسينا ملبسناش حاجات ضيقه نمنا في وضع عالي قبل الاكل وبعد الاكل مشربتش مياه
قبل النوم بساعتين لا كلت ولا شربت فانا حميت المعدة أنه يحصل ارتجاع مرىء واخد زنك ودوا الحموضه ابطله تبطله ازاي اقولك
هتاخد معلقتين خل تفاح علي الغدا ومعاه تاخد دوا الحموضه تلات مرات في الأسبوع لمدة أسبوعين
وبعدين مرتين في الاسبوع لمده اسبوع
وبعدين مره في الاسبوع لمده اسبوع
وبالسلامه ترمي العلبه متشوفهاش تاني
No comments:
Post a Comment