خل التفاح فوائده واستخداماته التي لا يعرفها الكثير

النهارده هتكلم عن خل التفاح الاورجانيك
بس معلومه مهمه لازم خل تفاح مش متبسطر ولازم يبقى رو يبقي ني  ويبقي مش متفلتر يعني تبص عليه من جوه تلاقي حتت تفاح موجوده فيه
المتصفي والمتبسطر ترميه في الشارع عليه مواد حافظه والمادة الرئيسيه الي هي السيتريك اسيد والمادة الرئيسيه الي اسمها مانيك اسيد بيتكسروا والانزيمات متكسرين

فلازم يكون عضوي أو علي الاقل ني ومش متبسطر ومش متفلتر دي اول حاجه

تاني حاجه مين ميستخدموش الي عنده قرح أو نزيف في المعده ممنوع عليه خل التفاح
الي عنده حساسيه من اي شىء ميخدش خل ولا خل تفاح لأنه بيزود الهيستامين في الجسم

تعالوا نقيم بقي فوائده من برا لو بيدهن وكده
خل التفاح مفيد جدا لجلد البشره يعتبر قاتل فظيع للبتكريا فيخلصك من حب الشباب نهائي
بيعدل ال بي اتش بتاعه الجلد وبتاعه اس حاجه تانيه يعني ايه بي اتش يعني درجه الحموضه
احنا الجلد بتاعنا ده حامضي شويه فانت مثلا عندك حب شباب عندك التهابات في جسمك وفي وشك عندك قشره في راسك وشك مكرمش عايز تشده
خل التفاح مفيش احسن منه بتحط تلت كوبايه منه وتكمل الباقي ميه وقطنه تبلها وتمسح بيها وشك بيعمل ايه بيموت البكتريا بيموت الفطريات بينضف المسام وبيقفل مسام الجلد لأنه بيشد الجلد

وقشر الشعر بردوا هو عباره عن جلد الرأس الميت أو فطريات لاما التهابات لاما نقص مناعه لاما نقص فيتامينات
احد الاسباب فطريات وخل التفاح يموت الفطريات طيب نعملها ازاي نجيب ربع كوبايه خل تفاح نحط عليه ميه وتغسل شعرك وتسيبه عشر دقايق وتدخل استحمي هتلاقي القشره راحت والجلد نضف الجلد بقي انعم الجلد بقي مشدود شويه

في حاجه كمان فطريات القدم ورائحه القدم الي بيشتكي من التهابات أو فطريات أو رائحه قدم مش تمام يحط ربع كوبايه خل تفاح في مايه دافيه في طبق ويحط رجله ربع ساعه بعد ربع ساعه اغسلها بميه عاديه اعملها تلت اربع مرات في الأسبوع ريحه القدم هتروح خالص الفطريات الي بين القدم من اسبوعين لتلاته هتختفي خالص

السيلوليت الحاجات الي تخلي السيلوليت مش باين وتشد الجلد من برا هتجيب ربع كوبايه خل تفاح ومعلقتين قهوه ومعلقه زيت جوز الهند العضوي وتفرك وتدعك المكان الي فيه السيلوليت سواء بطن وسط فخد مؤخره تدعكهم وتسيبه من عشرين لتلاتين دقيقه مرتين في الاسبوع شهر اتنين تلاته
هتلاقي نتايج ملحوظه اوي الدهون قلت الجسم اتشد صحه الجلد بقت افضل

ندخل بقي في خل التفاح جوه نشوف بيعمل ايه
اول حاجه تبيض الاسنان ازاي ركز بقي معلقه خل تفاح قرصين من حبوب الفحم بتاعه البطن بتاعه الغازات يا جدعان 🤣 تكسرهم بمعلقه تمام وتعملهم بودره كده وتحط معلقه خل التفاح عليهم وتحط بيكربونات الصوديوم تمضمض بيه وتعمل بيه الاسنان بفرشه الأسنان مره في الشهر أو مرتين بالكتير لان خل التفاح وبكربونات الصوديوم لو كترت منهم يكلوا سنانك علشان كده مره ولا مرتين بالكتير

خل التفاح يقتل البكتريا وبكربونات الصوديوم تبيض الاسنان البودره السوده بتاعه الفحم تمتص المواد الي بتغير لون الاسنان

نكمل بقي احتقان الزور جالك تيجي معلقه خل تفاح علي كوبايه ميه تتغرغر أو تتمضمض بيهم أو تشربهم حبه حبه بيقتل الميكروبات خالص الي في الزور بس يتشرب بشاليمو

النقطه الي بعد كده ارتجاع المرىء لو عندك قرحه مرىء قرحه معده وفي دم مينفعش الكلام ده خالص لكن لو عندك ارتجاع عادي
عندي حموضه وحرقان من ايه حمض المعده واحد او اتنين قوي جدا ربنا عامل حمض المعده مقفول بقفله علشان الحمض ميطلعش المرىء ليه ميطلعش  لان وسطه قلوي والفتحه قلويه فلما الحمض يطلع علشان تحمي نفسها بتقفل علطول فلو الحمض قليل مش قوي مش مضر اوي بالمرىء فيطلع الحمض من الفتحه عادي فيسبب الحرقان وحرقان المعده وكل اعراض الارتجاع

نعالج ده ازاي اقولك
معلقه خل التفاح علي كوبايه ميه تتشرب الصبح وبالليل بالشاليمو علشان نحافظ علي الاسنان من التأكل فانت لما تاخد خل تفاح ده حمض فلما يزيد الحمض يبقي قوي فلما يجي يطلع الفتحه علشان تحمي نفسها تقفل علطول لان الحمض بقي قوي وبكده عالجت ارتجاع المرىء وزودت الحمض الي بيساعد علي امتصاص المعادن والفيتامينات
تاني حاجه لما حمض المعده يزيد البكتريا الي بتيجي مع الاكل تموت
النقطه التالته البروتين يتكسر كويس يتهضم كويس لان حمض المعده قوي

خل التفاح لما ينزل المعده ويخلي حمضها قوي يطلع حاجه اسمها لايبيز ده انزيم بيهضم البروتينات دي ناحيه
من الناحيه التانيه المراره ترمي عصارتها لان الحموضه الجامده بتدي اشاره في اكل جي فالمراره ترمي عصارتها الصفراويه في نفس الوقت البنكرياس لما الاكل جي وفي حموضه كويسه بيطلع الانزيمات الي تهضم الدهون وتهضم الاكل مجرد خل التفاح ما نزل عمل تلت حاجات

المراره جابت العصاره
المعده طلعت لايبيز
البنكرياس طلع انزيمات الهضم

تخيل الهضم يبقي عامل ازاي انت لو كلت مسمار حديد هيتهضم
اولا الحمض بيبقي قوي جدا فالامعاء تهضم الاكل جدا وبسرعه جدا يعني زودت كفاءه المعده وزودت امتصاص المعادن والفيتامينات ب بالاخص بكفاءه عاليه جدا وده كله بمعلقه خل تفاح

خل التفاح بيقلل السكر في الدم يعني معلقه علي كوبايه ميه بيقلل السكر من عشرين لتلاتين درجه يعني لو ١٨٠ يقل ويبقي ١٥٠ درجه وهكذا ومادام السكر قل الدهون مش هتتكون
تاني نقطه بيقلل من الشهيه

قولنا رأيك في كومنت 😍