تكمله علاج الكانديدا

نكمل علاج الكانديدا
ايه الحاجات الي أخدها تساعدني في القضاء علي الكانديدا

الكانديدا بتكره تلت حاجات
انا خنقتها خنقت ابوها بمنع السكر والحاجات الساقعه
اديها بقي الحاجات الي بتقتل الي بتخلص

اول حاجه زبده جوز الهند العضويه
أو زيت جوز الهند العضوي اللوريك اسيد الي فيه بيموت اي بكتريا وبيموت اي فيروسات وبيموت اي فطريات ف معلقه جوز هند عضوي كبيره صبح وبالليل استخدمتها قبل كده في ايه ده انتوا نايمين في جرثومه المعده نصحي مع بعض شويه 😂🤣

تاني حاجه القاتل الرصاصه في قلب الكانديدا زيت الزعتر
انت هتستخدم الزيوت الاساسيه تلت أو اربعه منها بس خلي بالكم الزيوت دي تكون medical grade متروحش تجيب حاجه رخيصه تجيب حاجه اسمها ميديكال جريد يعني نقي اوي لدرجه ان هو في مثابه الادويه لان ده هتاكله هتبلعه

في حاجات علي فكره بتتعمل بخور وفي حاجات بتتحط علي النار وفي حاجات تتدهن برا مينفعش تبلعها فخلي بالك مكتوب عليه كده مديكال جريد ممكن تبلعه

زيت الزعتر ده نقطتين علي كوبايه مياه دافيه صبح وليل

ده بيسيب اي حاجه في العالم ويروح للكانديدا ويموتها
بيروح يجر شكلها زيت الزعتر ده
من اسبوعين لاربع اسابيع بيدمرلك كل الكانديدا

الحاجه التالته المهمه جدا اسمه شاي باو داركو
اكتشفوا أنه بيخلص على ٨٠ ٪ من الكانديدا فى خلال من تلت اسابيع لتلت شهور

يعنى حسب البهدله الموجوده فى جسمك
ده مجرد شاى زي شاى النعناع يتحط في مياه دافيه
تشرب كوبايه الصبح وكوبايه بالليل

الحاجه الرابعه بقي سحر وده هينفعني اكتر في الكرونز والسيلياك
خلوا بالكم الكرونز معايا والسيلياك معايا لغايه دلوقتي
ليهم حاجه معينه الي هو زيت لبان الدكر
اللبان الدكر خلي بالكم غير المستيكه دي حاجه تانيه خالص
المستيكه دي العدو الأول لجرثومه المعده

انما دي مش المستيكه ده لبان الدكر الي عدو وقاتل للكانديدا ومصلح رهيب لمرض الكرونز والسيلياك
سواء زيت زعتر سواء زيت لبان دكر سواء زيت القرنفل سواء زيت النعناع
الاربع حاجات دول مهمين جدا ممكن يدهنوا علي البطن ممكن تتدهنهم علي دراعاتك ممكن علي رقابتك
ممكن تحطهم علي مياه وتشربهم علشان كده قولنا ايه لازم يكونوا ميديكال جريد Medical grade اعرف ابلعه
مش نوع يتحط علي البخور وتشمه حتي النوع الرخيص الي اسمه مفيد بس انا عايزه يدخل جوه
عايز زيت الزعتر يدخل جوه عايز زيت النعناع يدخل جوه
عايز زيت لبان الدكر يدخل جوه عايز زيت القرنفل يدخل جوه

مهم اوي لان الحاجات دي بتفرق معايا سنين
وعلشان نبقي واخدين بالنا من الاول انا بتكلم علي فطر فطر الي هو ايه يعني عفن يعني بالبلدي كده ده العفن الي بيطلع في الحيط وبيطلع في ايه
حتت ضلمه ورطبه يعني فيها رطوبه يعني فيها مياه وساقعه علشان كده مش عايز حاجات ساقعه علشان ده فطر بيحب الحاجات الساقعه مش عايز حاجات فيها سكر كتير
مش عايز حاجات تعملي تخمر كتير
مش عايز حاجه فيها مساعده للفطر من اي شكل فانا بموته بالاسلوب ده
زي فطر الي برا هو الفطر الي موجود في الامعاء الي هو الكانديدا

في نقطه مهمه اوي بعد كده في ناس بتقولك خد بروبيوتك اقوي الميكروبيوم بتاعي
علشان عباره عن ايه مهم اوي النقطه دي
عباره عن الكانديدا موجوده عادي وفي ميكروبيوم لما الميكربيوم يقل ف الكانديدا الوحشه تزيد ويقلب معايا كانديدا مرضيه فبيقولوا طيب ما تيجي نزود الميكروبيوم البكتريا النافعة في امعائك يا سلام يا خويا سهله هي حرب هي

بصوا بقي الحته دي تيكنيكال كده
البكتريا الميكروبيوم ده من أحد وظائفه أنه بيخمر اكل معين يقوم مطلعلي اسيد حمض يعني الحمض ده يموتلي الكانديدا الي بتهف عقلها بتفكر تقلب تعمل مرض
فانا دلوقتي ما دام الميكروبيوم ضعف وانا جبتله ميكروبيوم من برا
الكانديدا عاليه اووي مهما عملت ميكربيوم من برا
مش هيقدر يتحدي الكانديدا لان ده قعد وسيطر الكانديدا قعدت وسيطرت دي نقطه مهمه
الخلاصه زود الأسيد الحمض بتاع جهازك الهضمي
علشان الحمض الي كانت بتعمله البكتريا الخايبه بتاعتنا الميكروبيوم الي لما ضعفت الباشا ده قام الي هو الكانديدا
فأنا تساعدها بأيه مش ازود الميكربيوم  لا
انا ازود الحموضه بتاعه الامعاء للمره المليون في هذه الحلقات نتكلم عن حمض المعدة

بس لا مش هينفع خل تفاح دلوقتي
خل التفاح مع واحد عنده كرونز وسيلياك مينفعش
الكانديدا ينفع معاها خل تفاح
انما عندك كرونز وتقرحات مينفعش خل تفاح

تزود الحمض ازاي مديش مضادات الحموضه سيب حمض بتاع معدتك يشتغل اخد زنك علشان حمض المعده اساعده
مخدش ماء قلوي خالص مخدش اي حاجه.تاثرلي علي الحموضه خالص
وسيب البيئه الجديده المعموله بشوربه عضم البقر والجلايسين البيئه الجديده المعموله بزيت النعناع وزيت الزعتر وزيت لبان الدكر والخضروات النضيفه والبعد عن الألبان البيئة النضيفه بتاعه الامعاء دي تكبر هتعلي الحموضه الميكروبيوم هيشم نفسه لان مفيش سكر ومفيش جالوتينات تكسره وفى حاجات بتموت عدوه الى هو الكانديدا فيقوم هو مزودلي الحموضه وتتقتل الكانديدا وترجع مسالمه وجميله ولطيفه ويرجع الميكربيوم هو الاقوي والي حاكم
عرفتوا بقي قولنا هنبني ميكروبيوم وامعاء جديده ليه مع اننا بنتكلم في كانديدا
لان انا بحارب الكانديدا اقتلها واقوي عدوها الي هو الميكربيوم

الخلاصه
ابني جهازك بشوربه عظم البقر
امنع كل ما يضر بجهازك الهضمي
خد الزيوت الي قولناها
حافظ علي حمض المعده
متاخدش اي برشام يقلل حمض المعده
الناس الي في بيت واحد وحد اتصاب بالكانديدا الكل لازم يمشي علي العلاج ده لان ده فطر بينتقل ومعدي سواء ايد او اي معاملات