حلقه جديده بتتكلم عن الكالسيوم والمغنيسيوم والبوتاسيوم واهميتهم ودورهم في حياتنا اليوميه
الاول نبدأ الكالسيوم موجود في حاجات كتير اووي موجود في السمسم الي بيتعمل طحينه معروفه وموجود في كل الدول العربيه ده كالسيوم في السماء
الخضروات كالسيوم في السماء التوت كالسيوم في السماء
منتجات الالبان الي هي الجبنه القريش الألبان الرايب اجبان المعز اجبان الخرفان كل ده مصادر الكالسيوم ومصادر قويه
الكالسيوم مش للعظام والأسنان بس الكالسيوم مهم جدا في منع السرطان في حاجه اسمها اباكتوزيز اول ما تطلع الخلايا السرطانيه بتروح تموتها من غير كالسيوم الاباكتوزيز دي متشتغلش
الكالسيوم مهم علشان القلب انقباضات القلب وانقباضات العضلات
المفاجأه الي هتتقال أن الناس الي بتاخد كالسيوم معظمهم في التحليل معندهمش نقص كالسيوم
محدش ياخد كالسيوم برشام لأنه له علاقه وثيقه بتصلب الشرايين والجلطات والضغط العالي
علشان كده مفيش تحليل اسمه دهون حاجه اسمها كالسيوم سكور يشوف معدلات الكالسيوم في الاوعيه الدمويه زايده ولا لاء لو زياده يبقي انت عرضه للجلطات دوره الكالسيوم بسيطه ومعروفه واتشرحت كتير بتاكل بينزل الكالسيوم في الامعاء لو فضل في الامعاء بيسبب الحصواي وكده بيجي فيتامين دال ٣ بياخده من الامعاء يوديه القلب والأوعية الدموية لو اتساب في الاوعيه الدمويه هيسبب جلطات وتصلب شرايين يجي فيتامين ك٢ ياخده من الاوعيه الدمويه ويحطه في مكانه الطبيعي في العضم والاسنان ويجي فيتامين ف ياخد الباقي منه يحطه في الجلد علشان يمنع سرطانات الجلد دي الدوره السليمه والصحيه الكالسيوم يعني بتحتاج معاه فيتامين دال ٣ و ك ٢
ندخل بقي في المعادن المهمه الي بتدخل في حوالي من ٣٠٠ ل ٤٠٠ عمليه في الجسم يوميا هنبدأ
هنتكلم عن معدن ٧٠ ٪ من الناس عندهم نقص منه و ٦٠ ٪ من الناس الي جتلهم جلطات في القلب كان عندهم نقص منه أنه المغنيسيوم يا ساده لازم يتاخد قبل النوم
في حاجه تانيه أي حد بياخد كالسيوم ومبياخدش مغنيسيوم بيدمر صحته وبيدخل في جلطات بالعبيط الاتنين لازم يكونوا مع بعض مفيش حاجه اسمها كالسيوم من غير مغنيسيوم ليه بقي
المغنيسيوم ده مضاد الكالسيوم يعني الكالسيوم هو الي بيعمل انقباض العضلات المغنيسيوم ده الي بيخليها ترتخي فميجلكش كرمبات القلب بينبض بالكالسيوم والي بيخليه يرتاح المغنيسيوم ينبض ويرتاح ينبض ويرتاح المغنيسيوم فلو معندكش مغنيسيوم القلب بيرفرف يجيلك عدم انتظام في نبضات القلب لو انت قلقان لو انت عصبي لو انت مبتنامش كويس يبقي انت عندك نقص مغنيسيوم اول ما تاخده بالليل قبل النوم هتدخل في نوم عميق لأنه بيرخي الاعصاب والعضلات وكمان بيرفع الجابا دي مواد في المخ بتخلي المخ يهدي المغنيسيوم بيعلي الجابا دي فمخك يبقي هادي فتنام كويس بالليل
يبقي للعضلات كويس جدا للمخ للقلب للنوم الأعصاب يبقي مفيش قلق
المغنيسيوم عدو السكر لو المغنيسيوم مظبوط الأنسولين هيبقي محترم والجسم يستجيب للانسولين كويس وميبقاش عندك سكر لو حد عنده سكر لازم يعمل تحليل مغنيسيوم
لو الكالسيوم خلي الاوعيه الدمويه تنقبض ايه الي يحصل الضغط هيعلي
انما لو الاوعيه الدمويه ارتخت ميجلكش ضغط عالي لو حد عنده ضغط عالي لازم تشيك علي المغنيسيوم تعمل تحليل مغنيسيوم
واحد عنده امساك الامعاء مبترتخيش شده لو عندك امساك يبقي ناقصك مغنيسيوم
قلقان جسمك فيه كرمبات قلبك بيرفرف قلبك مش مظبوط عندك.ضغط عالي عندك سكر يبقي ناقصك مغنيسيوم
بتحتاج منه يوميا بالليل ٤٠٠ ملي جرام بس وتاخده من الحاجات الخضرا يتاخد من الافوكادو
نعمه ربنا أن أي خضروات فيها كالسيوم وفيها مغنيسيوم مع بعض
موجود المغنيسيوم برده في اللب الابيض لب القرع مليان مغنيسيوم تاني اهم عنصر في الجسم هو المغنيسيوم اهتموا واعملوا تحليله ولو ناقص خد مغنيسيوم ضروري من مصادر طبيعيه
نروح لأهم عنصر علي الاطلاق الي محدش بيتكلم عنه ومحدش يعرف عنه حاجه ومهم في اكتر من ٣٠٠ عمليه البوتاسيوم لو اتكلمنا من هنا لبكره عليه مش هنوافيه حقه
الكالسيوم بتحتاج جرام يوميا والمغنيسيوم ٤٠٠ملي جرام الي يثبتلك أنه الأهم البوتاسيوم بتحتاج ٤.٥ جرام يوميا بوتاسيوم كل يوم اربعه جرام ونص ليه
هو الي بيظبط الضغط بتاعك
هو الي بيظبط نبضات القلب بتاعتك
هو الي بيظبط كل كهربة جسمك
علشان أي نبضه تمشي في الجسم أو الاعصاب أو العضلات أو اي اشاره من المخ عايزه صوديوم وبوتاسيوم مع بعض
امتصاص الكربوهيدرات محتاجه البوتاسيوم
اي بروتين في جسمك محتاج بوتاسيوم يا شباب يالي بتعمل عضلات لو مبتاخدش بوتاسيوم مش هيطلعلك عضلات
يا شباب يالي بتحس انك ضعفان وهمدان وجسمك مش عاوز يكون عضلات ومش عارف تمشي معندكش بوتاسيوم كفايه
لو قلبك بيرفرف أو بتسمع دقات قلبك في ودانك البوتاسيوم مش مظبوط لو عندك سكر دور علي البوتاسيوم فلازم تحليل بوتاسيوم ضروري ولو ناقص لازم الجسم ياخد كفايته منه وتعالج ده ضروري ضروري ضروري
وعلشان تاخد بوتاسيوم وكالسيوم ومغنيسيوم التلاته دول علشان يمتصوا لازم حمض المعده يكون قوي جدا جدا فانت لو عندك مشاكل في معدتك كل المعادن بتروح منك يبقي لازم نصلح حموضه المعده تزود الحمض معلقه خل تفاح علي كوبايه ميه صباح ومساء وتتشرب بالشاليمو
نقطه مهمه عن البوتاسيوم السيروتونين ده ناقل بيحفز المخ علي إفراز هرمون السعاده الي ييشيله حاجه بجانب البوتاسيوم فلو جالك اكتئاب اتشيك علي البوتاسيوم عندك
موجود بقي فين في الاكل
الافوكادو والسبانخ مليانه بوتاسيوم والخضروات
والبطاطا صفار البيض فيه بوتاسيوم
اكتر حاجه ربنا خلقها في الدنيا فيها بوتاسيوم علشان تقدر تعوض ال ٤.٥جرام عارفين البنجر بيطلع منه ورق لو خدت الورق ده وعملته عصير حطيت عليه مثلا معلقه عسل نحل أو معلقتين وعملته عصير فيه كميه بوتاسيوم في السماء
معرفتش خده مكملات لو مقدرتش تجيب ٤.٥ جرام يوميا
نروح بقي الصوديوم ملح الطعام الأبيض المصيبه الكبري في الحياه انت عايز كل يوم علشان القلب يشتغل وعلشان الميه تتمسك في جسمك كويس ومخك وقلبك يشتغلوا كويس عايز صوديوم بس عايز اد ايه صوديوم عايز جرام ونص صوديوم
عارف معلقه الملح الابيض فيها كام فيها ٣ جرام لو زاد الصوديوم المخ ميعرفش يركز يجيلك ضغط عالي الجسم ميبقاش مظبوط يخلي المعده يحبس ميه في جسمك كتير كل حاجه هتلاقي فيها صوديوم العيش الاكل كله هتلاقي فيه ملح انت معندكش نقص صوديوم انت عندك زياده صوديوم ودي المصيبه ده بقي العنصر الوحيد الي زيادته مصيبه علشان كده بقولك اوعي تاخد الملح الابيض ده عايز تاخد ملح الهيمالايا ٧٥ في الميه صوديوم وال١٥ في الميه بوتاسيوم وفيناديوم ومغنيسيوم كده كله يعادل بعضه وطبيعي وميسببش اضرار
قولنا تعليقك ولو بتستعمل الهيمالايا قولنا الاختلاف
No comments:
Post a Comment