ده لو هو موجود هتبقي سعيد
لو موجود هتبقي فرحان لو موجود مودك هيبقي تمام
لو موجود نفسك مفتوحه للحياه وللأكل وللعلاقات الاجتماعيه وكل شىء جميل حضرتك
نمسك بقي في الموضوع ده ازاي نعمله في الجسم الجسم الي بيصنعه
اول حاجه ادي السيروتونين هنا اهوه جي منين من امينو اسيد حمض اميني اسمه التربتوفان
فأي اكل فيه التربتوفان ده هيتحول ويدينا سيروتونين السيروتون ده بعد ما يعمل عملته وجماله يتحول لحاجه اسمها الميلاتونين ده بيتكتب للعيانين أو الي بيطلع في الجسم لو انت عايز تنام جامد ده الهرمون الى بيطلع وانت نايم يخليك تنام كويس يخلي بشرتك تبقي تمام يخليك متعجزش يخليك نومك اكثر عمقا وحاجه طبيعيه
الناس الي بتشتكي من قله النوم وجرب المغنيسيوم وجرب حاجات كتير ومبتنفعش الدكتور بيديهم الميلاتونين خمسه ملي جرام بيناموا نوم عميق
ف دي الدائره الي عندنا
تربتوفان
سيروتونين
ميلاتونين
طيب عايزين التربتوفان يزيد خلينا نبقي سعداء الله يكرمك
عايزين حاجات تزود التربتوفان علشان تزود السيروتونين ونفرح ونبقي سعداء في الحياه
طيب الاول السيروتونين ده بيجي منين من الامعاء يعني الامعاء الي بتديك المزاج علشان انا اخد تربتوفان يتحول ل سيروتونين موجود في ايه التربتوفان ده واسمع عن اكلات السعاده وادعيلي
اول حاجه الشوكولاته الدارك مليانه تربتوفان
لو خدت حته شوكولاته صغيره التربتوفان هيعلي والسيروتونين هيعلي وهتحس بسعاده
تاني حاجه الديوك الرومي يمكن ده الي ربط الديوك الرومي بالاعياد أو الديوك الرومي بالمناسبات الديوك الرومي فيه تربتوفان بالهبل يعني صدر الديوك الرومي ده يرفعلك التربتوفان السيروتونين هيعلي دماغك تضرب في السماء من السعاده بعد ما تاكل ديك رومي
البيض بردوا فيه تربتوفان الاسماك فيها تربتوفان
الخضروات فيها حبه كويسه المكسرات فيها حبه كويسه الموز والشوفان
ده كله كوم والتريتوفان عالي في حاجتين
البطاطس والدقيق مليانين تربتوفان علشان كده تلاقي نفسك لو مضايق انا عايز اضرب سندوتش بطاطس وهمبرجر جسمك فاهم وانت مش فاهم بس طبعا دول مضريين جدا بس فيها تربتوفان
عرفت ليه لما تعمل رجيم لو كارب بتخش في حاله اكتئاب ليه في الاول علشان كده لازم تزود الحاجات التانيه الي فيها تربتوفان مكسرات بزياده الديوك الرومي أو الفراخ أو البيض لازم تهتم بالحاجات دي والخضروات التربتوفان مش عالي بس فيها بردوا
فهمت دلوقتي ليه لما تكتئب نفسي في برجر نفسي في بيتزا نفسي في بطاطس محمره لان فيها تربتوفان عالي
وليه يحصل اكتئاب لما تمنع الكربوهيدرات في الاول
طيب السيروتونين نفسه بيعلي ازاي بيتعمل ازاي أمسك عندك بقي
اول حاجه ضوء الشمس
ضوء الشمس بيعلي فيتامين دال وفيتامين دال دايركت يعلي السيروتونين من ضمن ٢٠٠٠ وظيفه بيعملها فيتامين دال
فلما تقعد في الشمس تحس انك مرتاح تحس عندك حيويه تحس عندك اشراق
لو انت عايش في بلد كلها غيوم ومطر بيجيلك اكتئاب لان الشمس بتحسن مودك ميجلكش اكتئاب
تاني حاجه بتعلي السيروتونين دايركت الرياضه اس حد بيعمل رياضه بيبقي في هدوء ومرتاح نفسيا ومش عصبي وبينام مرتاح نومه جميله بعد ما يروح الجيم لان السيروتونين علي في جسمه
خلي بالك السيروتونين كله بعد.ما يشتغل بيتحول ل ميلاتونين شوف انتوا ضربتوا كام عصفور تلت عصافير بحجر واحد
الحاجه الي بعد كده النوم بدري عشره أو ١١ بالليل فانت لو بتنام متأخر قبل ما تنام ماسك الفون والنور في عينيك ف الميلاتونين مبيفرزش لان المخ عينيك قايلاله أن ده نهار وشغاله فالبتالي ميفرزش
ف مهم جدا علشان تحس بالسعاده وتعارض الاكتئاب تخلي السيروتونين عالي فتنام ف الميلاتونين يعلي لان الاتنين دول اكثر أعداء الاكتئاب
الخطوه الي بعدها اليوجا أو الرياضه الرياضه المساج المشي الخفيف ده بيزود السيروتونين كل يوم مشي الصبح نص ساعه في الهواء بيعلي السيروتونين ويخليك هادي نفسيا وسعيد ونفسك مفتوحه للدنيا ونفسك مفتوحه للاكل كل ده من وظائف السيروتونين الي علي
تاني حاجه علشان السيروتونين ده يفرز ويبقي تمام التمام عايز كذا حاجه
عاوز مغنيسيوم
الله علي المغنيسيوم عرفت بقي انتوا بتناموا بعد المغنيسيوم ليه لان المغنيسيوم الي بيدخل في تركيب السيروتونين الي بيدينا ميلاتونين فننام ولما تاخد شويه مغنيسيوم الاكتئاب يروح
تاني حاجه مهمه اوي فيتامين ب ٦ مهم جدا علشان تفاعل بتاع الميلاتونين يجي من السيروتونين علشان السيروتونين يشتغل كويس
النقطه الي بعد.كده فيتامين سي مهم جدا للتفاعل أن يبقي جسمك لازم جرام فيتامين سي كل يوم بعد الفطار خصوصا الناس الي بعد الاربعين
من غير سي هتدخل في اكتئاب من غير سي مناعتك هتبوظ من غير سي حاجات كتير اوي هتقع منك
فلو سمحتوا الجوافه عندنا مليانه فيتامين سي الكيوي مليان فيتامين سي برتقال ولمون وبابايا مليانين فيتامين سي الكيل والبروكلي مليانين فيتامين سي
هو السيروتونين ده بيطلع من الامعاء يبقي ناخد ايه بروبيوتيك اي بروبيوتيك محترم هيزود الميكربيوم ويخليها تمام ومنعنشه كده وتبقي سعيده ولو الميكروبيوم بتاعك سعيد انت سعيد وفل الفل
يبقي فيتامين دال مهم البروبيوتيك مهم
فيتامين سي مهم
المغنيسيوم مهم
الاربع حاجات مضادات الاكتئاب اسباب السعاده اسباب السيروتونين والعالي في الجسم وبدون ادويه
الحاجه الي بعد كده الي يزود السيروتونين في الجسم انك تفتكر حادث سعيد في حياتك او انك تقعد مع حد بتحبه أو قاعد مرتاح نفسيا ده بيزود السيروتونين
في ناس كده نعرفهم تزود السيروتونين
في ناس تقعد معاهم يزودوا سيروتونينك وناس تقعد معاهم يزودوا سنينك
فحافظ علي العلاقات الكويسه في حياتك
يبقي تقعد مع ناس بتحبها
علاقات اجتماعيه ناجحه
او انك تفتكر حاجه تبسطك ذكري سعيده
No comments:
Post a Comment