ازاي تعمل رجيم بأقل فلوس ممكنه
وتمشي بصحه جيده وتلاقي نتايج ملحوظه وفي نفس الوقت الكربوهيدرات مش مانعها خالص
في اللو كارب أو نظام منخفض النشويات هنحط دلوقتي القواعد الاساسيه الي هنمشي عليها
وبعدين هنقول كام نقطه يفهموك الجسم ماشى ازاي علشان تعرف تفهم انت ماشى ازاي وتفهم جسمك من غير ما يحطلك الرجيم بتاعك
تالت نقطه هنقول الممنوعات الي مينفعش تقرب منها وفي الاخر يعمل امثله للوجبات
القواعد العامه للرجيم
في حاجات ببلاش وفي حاجات بفلوس
خلي الحاجات الي هتكلفنا فلوس دلوقتي هنتكلم في الحاجات الاساسيه الي مش هتكلف حد فلوس
اول حاجه انك تتمشي قبل الفطار مش هقولك روح جيم روح صاله اشتري عجله لا مش هقولك كل ده اتمشي قبل ما تفطر من نص ساعه ل ساعه الا ربع
اول ما تصحي تنزل تتمشي تلعب ضغط نط الحبل اعمل سويدي
دي نقطه ببلاش ومش هتكلف حد امشي واحده واحده مش اكتر من كده
الي معندوش قدره حتي للمشي صعب أنه يخس
يبقي النقطه الأولي الرياضه قبل الافطار
النقطه التانيه النوم ببلاش لازم تنام من ١١ بالليل لو قعدت بعد ١١ أو عشره بالليل هرموناتك هتتلخبط هتجوع بالليل جسمك مش هيرتاح ف مش هيحرق دهون الا وانت نايم العب ٥٠٠ ساعه صاله الصبح ومتنامش جسمك مش هيفقد كيلو دهون
مبتفقدش وانت صاحي بتفقد وانت نايم يبقي النوم النوم لازم من ١١ أو من ١٠ تدخل سريرك
سبع تمن ساعات علي الاقل علشان جسمك.ياخد الطريقه الصحيه هرموناتك تتظبط ومعدل الأيض يتظبط وتحرق دهون
تالت نقطه ببلاش مش هتكلفنا حاجه الاستريس الضغط العصبي
عارف ان المشاكل كتير لكن الضغط العصبي هيكسبك ايه بقيت قلقان اكتر هتخسر فلوس اكتر استفدت ايه من الاستريس محلش حاجه
اهدي حافظ علي صلواتك وابقي متوضي علطول
وخد مغنيسيوم قبل ما تنام كل ده هيساعدك أنه ميبقاش في استريس
وفيتامين سي مهم اوي بلاش فيتامين سي علشان الفلوس
اشرب كل يوم لمون اظن اللمون رخيص
يبقي فيتامين سي بيعارض الاستريس
والمغنيسيوم بيعارض الاستريس
معندكش فلوس للمغنيسيوم كل خضروات
ف دلوقتي احنا قللنا الاستريس لما بيبقي في استريس ضغط عصبي الكورتيزون يعلي يتخنك بالبلدي كده
يبقي لما تنام بدري
لما تتمشي قبل ما تفطر
لما تنام نوم كويس وتلعب رياضه
الكلام ده كله هيخلي جسمك مؤهل انك.تخس
النقطه الأخيرة لبتوع اللو كارب لازم تحسب كالوري لابد من حساب السعرات
ممنوعات اللوكارب
السكر واي حاجه فيها سكر بسكويت شوكولاته
بيبسي اي حاجه فيها سكر
تاني حاجه الدقيق الاهم مش تخس بس لا وصحتك تبقي كويسه كمان الأهم الصحه
المهم نبص في عضلات هتفقد ولا لا هتخش في انيميا ولا لا بنبص لكل النقط دي مش الهدف تخس وبس الهدف الصحه ومنها انك تخس
فالدقيق هتشيل الدقيق من حياتك خالص
مع رجيم مش رجيم للو كارب مش للو كارب
في نوعين من الكربوهيدرات زي اي حاجه بروتين وغيره كل حاجه فيها الحلو والوحش
الحلو الكربوهيدرات الحلوه الخضار والفاكهة والفاكهه حلوه للناس السليمه الي معندهاش ضغط ولا سكر فالكربوهيدرات الحلوه خضروات وفاكهه
الكربوهيدرات الوحشه بقي كل البقوليات والنشويات وحشه البطاطس نشويات وحشه
السكريات والمكرونه والرز الابيض كربوهيدرات وحشه
طيب النوع الي في النص الي هو لا وحش ولا حلو
الي احنا هنستخدمه في اللو كارب ايه بقي
الاول علشان منتوهش
منعنا السكريات
منعنا الدقيق
منعنا شرب اللبن
متاخدش سكر دايت علشان لسانك ميتعودش علي السكر وتبقي عايز حاجه مسكره
منعنا البقوليات هنستثني منهم الحمص والعدس
انما اللوبيا الفاصوليا الفول الكلام ده تنساه
الناس الي بتقول بروتين ده بروتين ليس عالي الجوده
تاني حاجه الفيبر الي فيه كتير ودي بتدمر القولون الي تاكلهم من البقوليات حمص وعدس بس
دول مفيدين وفيهم بروتين وفيهم سكريات حلوه
يبقي دول الممنوعات الي متجيش جنبهم خالص
الحاجات الكربوهيدرات الي في النص الي هي لا وحشه ولا حلوة
ينفع تستخدمها ما دام انت عايز اللوكارب
الشوفان حلو اووي ممتاز الشوفان فيه انتي اوكسيدانت حلوه
الشوفان فيه كربوهيدرات أو نشويات محترمه بيقللنا الكوليسترول
تاني حاجه البطاطا البطاطا فيها بوتاسيوم حلو اوي
البطاطا فيها فيتامين سي حلو اوي
فيها بروتينات تمام
البطاطا دي ممتازه كربوهيدرات من انضف انواع الكربوهيدرات
في جزيره اسمها كيناوا عايشه علي ٨٥٪ من اكلها علي البطاطا بيعيشوا فوق ١١٠ سنه تخيل وده يدينا فكره ورفيعين يبقي البطاطا اكيد فيها فيتامينات محترمه فيها انتي اوكسيدانت محترم فيها بروتينات وكربوهيدرات محترمه ف البطاطا نقدر ناكل بطاطا الشوفان نقدر ناكل شوفان
المشروم ممتاز بروتينات عاليه اوي والكالوري قليله اووي
كل الخضروات قولنا عليها
كمان عايز اقول علي نقطه البطاطا فيها فيتامين A عالي اوي اوي
بتاع العين ويفيدك في بشرتك مهم اوي
في حاجه اسمها كينوا الي يقدر يجيب كينوا هي مفيده جدا ممكن تستخدمها بدل القمح
نيجي بقي للرز الرز بيعلي الأنسولين مفيش كلام لو عايزين نستخدم رز لان المكرونه ممنوعه لان فيها دقيق
الرز البني بالقشره بتاعته القشره دي بتمنع امتصاص المغنيسيوم والبوتاسيوم والحاجات المغذيه الي في الرز
الرز الابيض من غير القشره ففي المغذيات بس بيعلي الأنسولين في السماء
الخلاصه
الرز الابيض تفضل تغسل فيه لحد ما النشا ما تروحي خالص
يعني الرز الابيض لما تغسله تلاقي المياه بقي لونها ابيض
بتطلع نشا اغسله تاني وتالت ورابع لحد ما يبقي مبيطلعش نشا خالص دي حاجه
تاني حاجه تنقعوا طول الليل في مياه وتجيبه تاني يوم علشان تتطبخه تحط نص ابيض ونص بني الاتنين علي بعض مش هيخلي الأنسولين يعلي وطبعا هيتاكل بكميات قليله هنتكلم عنها كمان شويه
في حاجه مهمه زي البطاطا القرع عارفين القرع اليقطين ممتاز والكالوري قليله وفيه فيتامينات مهمه جدا وانتي اوكسيدانت محترمه وفيه فيتامين سي
ممكن تعمل صينيه قرع محترمه تقطع القرع علي السلطه
كده اتكلمنا عن القواعد العامه والممنوعات العامه
تعالوا نسيبنا من النظري وندخل في العملي في الوجبات
٥٠٪ من الكالووري الي هتاخدها هتاخدها كربوهيدرات محترمه الي اتكلمنا عليها من شويه نشويات محترمه ونضيفه
٣٠ ٪ من الاكل بتاعك هيبقي بروتين محترم هنتكلم عليه دلوقتي
٢٠ ٪ من اكلك هيكون دهون صحيه تسمع كلمه خالي الدسم ترميه في الشارع
الدهون اهم عنصر في جسمك
ادي تقسيمه الكالوريز بتاعتك
ايه بقي هناكل مره ولا مرتين زي الكيتو لا
الناس الي بتقول احنا ماشيين علي اللو كارب وعايزين نصوم صيام متقطع الدكتور بيرفض
لان الكيتو بياكلوا دهون بتقعد معاهم من ست لسبع ساعات في الدم والمعدة مليانه فمبيجوعش
انما اللوكارب حرام بيجوع لان اكل النشويات بيطير يعني بعد تلت اربع ساعات تلاقيك هفتان يارب انا فطرت الساعه تمانيه الساعه ١٢ مصدع ودايخ وعايز اكل فحرام نقول للناس دي صوملك ١٢ ١٣ ١٤ ساعه
احنا صحينا بدري تمام اتمشينا ساعه الا ربع لعبنا رياضه يعني صلينا
تبتدي تاكل اول واجبه فطارك
٨ صباحا وجبه الفطار
هتعمل بيضتين تلاته في حته زبده بلدي ولازم زبده بلدي أو سمن بلدي جنبها جبنه كامله الدسم وزبادي كامل الدسم وطبق سلطه محترم
لو ماديا تقدر حته ورك فرخه يبقي تمام الخلاصه الصبح لما تصحي
هتاخد بروتين ودهون هضرب عصفورين بحجر
مش هتجوع هتفضل وقت كتير في معدتك وشبعان
الكالوري محترمه من اول يوم
رابع حاجه الجسم هيبدا يحرق من دهونه
لأنك لما تبتدي تاكل دهون الصبح الجسم بيحرق دهون طول اليوم
لما تبتدي كربوهيدرات الصبح
الجسم بيحرق كربوهيدرات طول اليوم
ادي الوجبه الاولانيه
نيجي لوجبه الساعه ٢
هتجيب طبق كبير هتقسم نصه خضار والنص التاني هتقسمه تلت اتلات تلتين بروتين وتلت دهون
قولنا في الاول هتضرب علي الغدا طبق سلطه كبير كده محترم وتاكله وتقوم عشر دقايق وتنزل الطبق الأساسي
اختارت فيه بطاطا اختارت فيه الرز الي قولناه اختارت فيه شوفان
الخضروات مش السلطه الي في الطبق هتبقي بروكلي أو غيره قرنبيط السبانخ الملوخيه القلقاس الباميه طبعا من غير زيوت سمن او زبده بلدي اي خضار ميتحطش في المياه كتير الفايبر لو اتكسر هيبقي سكر يعني تعملهم نص سوي علي بخار متهرسش اوي في الحراره علشان الفايبر ميتكسرش اختار اي نوع ممكن سبانخ خبيزا ملوخيه اي نوع جنب الرز
البروتين بقي يكون صدر فرخه ورك فرخه فرخه
حته لحمه
الدهون هتحط زيت زيتون علي السلطه او تعمل الفرخه بسمن بلدي والسبانخ وكده علشان تتدخل الدهون في جسمك
ممكن تاكل خمس ست سبع زتونات دي دهون محترمه ادي وجبه الساعه ٢
اخر وجبه ليك الساعه ٧
عايز فاكهه يبقي توت وفرواله وهي دي وجبتك بالليل ونخلص
مش قادر يبقي طبق سلطه محترم
عايز خضار كل
خلاص مش قادر جعان اضرب شويه شوفان بالزبادي هيسدوا معاك وفيهم فايبر وهيملوك لتاني يوم
الزبادي يكون كامل الدسم الجبنه كامله الدسم ننسي موضوع خالي الدسم ده
لو عايز تعمل خبز من الشعير ممكن تاكل ربع رغيف
من الساعه ٨ ل ٨ صيام متقطع
طبعا متزودش عن الطبق وتكون حاسب الكالوريز ملكش في حساب الكالوري امشي علي النظام اسبوع حسيت انك بتنزل يبقي انت ماشي صح
حسيت انك بتزيد قلل الاكل
حسيت انك ثابت قلل سنه كمان
بالتجارب كل واحد لازم يجرب علي نفسه مفيش طب بيشرح جسم بني ادم بعينه في مليون اختلاف من جسم لجسم
المكسرات مع الاكل ممكن
الفاكهه لوحدها وجبه مفيش حاجه معاها ومفيش حاجه بعدها علطول
في نقطه مهمه اوعي تاكل كربوهيدرات لوحدها يعني عيالنا الي بنديهم بطاطس ومكرونه تخيل أو نديهم مكرونه بالصلصه
أو ياكلوا رز لوحده
تقوم رشقه في الامعاء بسرعه والدم بسرعه والانسولين يضرب بسرعه
طب اعمل ايه مكلش ابدا نشويات لوحدها لازم احط عليها دهون أو بروتين لان البروتين بيتهضم اطول في الوقت شويه والدهون اطول واطول
فلو حطيت معلقه زبده علي الرز بتخلي هضمه بطيء ميجريش علي الدم يرفعلك الأنسولين
لو كلت اللحمه والسمك مع الرز نفس الكلام
هو مش صح اوي تخلط نوعين من الطعام بس الفتره الي فيها دي ده احسن حل
كده هتشد فرامل الكربوهيدرات انك هتحط عليه دهون أو بروتينات
النقطه الأهم كل براحه وامضغ براحه مخك بيدي اشارات بدري انك بتاكل
انما لما بتاكل سريع مخك مبتوصلش ليه اشارات بالقدر الكافي انك بتاكل ف علي مهلك وكل براحه وامضغ براحه الإشارات تتبعت بقدر كافي فتشبع بدري
النشويات ربنا خلقها للطاقه وطبعا فيها شويه فيتامينات ومعادن
والبروتينات ربنا خلقها علشان تبني الجسم
الدهون ليها حاجتين بتدخل في كل الهرمونات يعني بتدخل في تركيبات الجسم كل الخلايا كل الهرمونات والأعصاب والمخ زائد انها بتستخدم كطاقه لما بتتحرق
في نقطه مهمه لازم تفهمها انا لما باكل كربوهيدرات اول حاجه كلت نشويات مليت الكبد ٧٠ جرام اتملوا يرمي في العضلات ٢٠٠ جرام طيب العضلات اتملت كده ٢٧٠ جرام يعني لو كلت ١٠٠ جرام رز اتملي الكبد واتملي العضلات بعد كده بيروح فين يا دكتور بيتحول دهون او بيتحرق في طاقه
انت علشان تخس لازم الكبد يكون فاضي ليه
لان الخسسان بيجي ازاي انا باكل فبملي الكبد والعضلات بيزيد فبيرمي دهون فانا دلوقتي عايز احرق من الدهون دي
فلازم الجسم يدخل يخلص الكبد وبعدين العضلات وبعدين يدخل علي الدهون فلازم الكبد والعضلات يبقوا قليلين دلوقتي انت فهمت ليه الكرب لازم يبقي قليل لان لو كلت الكالوري بتاعك علطول الكبد والعضلات هيحرق منهم مش هيدخل علي الدهون خالص انا مش عايزه يحرق من دول انا عايز دول يخلصوا بدري بدري ويحرق من الدهون
No comments:
Post a Comment