تكمله علاج القلب وتصلب الشرايين

يبقي عرفنا أن الرومان وفوائده للقلب

نروح بقي للبطيخ
البطيخ فيه حاجه اسمها ال سترولين  ده بيتحول ل نيترك اوكسيد

يبقي الرومان نيترك اسيد علطول فيه الماده علطول

والبطيخ فيه حاجه بتتحول لنيترك اسيد
علشان كده بيقولوا عصير البطيخ حلو اوي للرجاله
لان بيوسع الاوعيه الدمويه بتاعه القلب والمخ وكل حاجه 😂
يبقي علشان تحافظ علي اوعيتك واسعه وجميله والقلب يفضل بصحه خليك علي الرومان واوعي تاخد عصير علشان سكره عالي كله تاكل الرومان تفركه وتاكله كده
البطيخ تاخد اتنين تلاته اربعه قطع يظبطولك الدم ويوسعولك الشرايين

آلفاكهه الي بعد كده عائله التوت
توت وفراوله وكده انتي اوكسيدانت رهيبه فيتامينات رهيبه ومضادات اكسده رهيبه

تعالوا ترجع حته فسيولوجي
هي الجلطات بتيجي ازاي الشريان موجود حصل التهاب في الشريان سواء لاكتينز قطعت في الشريان أو بلاش الموضوع ده لو في سكر عالي أو التهابات في الجسم والانسولين عالي فحصل تقطيع في الاوعيه الدمويه الي هي الشرايين من جوه الشرايين حاجه ناعمه جدا لا يمكن حاجه تلزق فيها حاجه ناعمه جدا جدا فلما يحصل خرابيش فيها تبتدي تخشن مين الي يلحق يجي علطول الكوليسترول الحق الحته دي فيها خشونه فيخلي الكبد يعليلك الكوليسترول علشان يروح يسد الحته دي بسرعه

فيجي الكوليسترول يقفل الحته دي فيحصل التهاب تاني مثلا فيقفل تاني حصل التهاب من الناحيتين فيفضل مقفل مقفل لحد ما يبقي كله كوليسترول فحته جلطه صغيره تيجي في النص الشريان قفل عضله القلب ماتت
يبقي الكولسترول بيجي علي الالتهابات فانت اي فاكهه اي اكل يقلل الالتهابات يمنع أكسدة الشرايين يبقي هو ده الي احنا عايزينه علشان يحمي القلب

يبقي الفواكه تلاته

رومان
بطيخ
توت

حاجه تبع الفواكه الافوكادو هو الافوكادو غالي ليه لأنه سوبر فوود مليان دهون مفيده
مليان فيتامين E مضادات أكسدة
فيه كميه معادن وبوتاسيوم غير طبيعي
فيه فيتامين ك٢
١٩٩٦ لقوا أن الافوكادو بيقلل ldl الي هو بتقولوا عليه الكوليسترول الضار بيقل ١٦ ٪ لو كلت اتنين افوكادو في الاسبوع لمده تلت شهور
ف الافوكادو من الأساسيات لو هنتكلم عن القلب
خدنا فاكهه خدنا افوكادو

 ندخل علي الثوم الثوم يا ريس من اتنين لاربع تومات نيء ولازم الريحه واي برشام مفيهوش ريحه الثوم مفيهوش المادة الفعاله الي بتوسع الاوعيه الدموية الي بتقلل الكوليسترول الي بتصنفر الاوعيه الدمويه من جوه
بتشيل الكوليسترول وتقلل الالتهاب في الاوعيه الدمويه من جوه بس
لازم نيء وميتحطش علي النار ويتفعص بمعلقه علشان الانزيمات تشتغل وتبلع الاتنين

الهليون ده بينزل المياه من الجسم
المياه لما تنزل الضغط بيتظبط القلب ميبقاش في حاجه قدامه كميه سوائل كبيره يضخها
تاني حاجه انتي اوكسيدانت مضادات التهابات رهيبه تمنع الالتهابات في الجسم
بعد كده بيزود الجلوتاثيون الجلوتاثيون لو زاد ده مضاد أكسدة في الجسم
السرطانات تقل الجسم يبقي فريش
الخلايا تبقي منعنشه طول ما الجلوتاثيون موجود
فيه فوليك اسيد الفوليك اسيد ممتاز علشان الانيميا ومهم للمخ جدا

الزنجبيل
الزنجبيل مضاد أكسدة رائع فيمنع أكسدة الاورده فيحمي القلب وينضف الشرايين

الزنجبيل بيمنع تجلط الدم

مين الي بيمنع تجلط الدم الي كل العالم بياخده بعد الاربعين
خد عندك بقي الاسبرين بيزود النزيف في الجسم ده واحد
تاني حاجه بيبوظ الكليه لأنه مضاد التهابات مينفعش تمشي عليه طول الوقت
أنه حمض فعلطول حمض موجود في الجسم فيبوظ الكليه ويأثر علي الاعضاء

الزنجبيل بيعمل نفس الي كانوا بياخدوا الأسبرين عشانه وبدون أي أعراض جانبية خالص زي الأسبرين ما بيعمل

ده بينضف يدي انتي اوكسيدانت
يمنع الجلطات
الزنجبيل تعمله مرتين تلاته في اليوم وانسي الجلطات خالص


الكركم ماده الكركمين بتمنع الالتهابات في كل الاوعيه الدمويه
بتشيل كل التكلسات الموجودة جوه الاوعيه الدمويه وهتعمل جلطات في المستقبل

انتي اوكسيدانت رائع بيمنع الاكسده في الجسم وبيزود المناعه

سنه ٢٠٠٩ عملوا دراسه علي الكركمين الي بياخد كركمين مرتين تلاته في الاسبوع لمدة تلت شهور قل الكوليسترول بنسبه ٢٦ ٪ بس علشان الكركم يشتغل عايز شويه فلفل اسود


السلمون حبيب القلب اضرب سلمون بس لازم يكون اورجانيك متجبليش سلمون بتاع مزارع قلبك هيتعب

السلمون من مرتين لتلاته في الاسبوع بتقلل الكوليسترول الضار
بيقلل الالتهابات في الجسم بيدينا اوميجا ثري
والاوميجا ثري اول المستفيدين منها عقلك وقلبك
فالسلمون لازم مرتين في الاسبوع تاكل سلمون علشان صحه القلب

الشاي الاخضر
الشاي الاخضر يا سلام والماتشا بالذات حاجه عظيمه مضاد أكسدة رائع بيزود حرق الدهون الضاره في الدم مرتين تلاته
بيزود مناعتك بيزود معدل الأيض بتاعك

دراسه اتعملت الشاي الاخضر بيقلل التعرض الجلطات عشرين في الميه لو شربت تلت كوبايات من تلت لست شهور

والماتشا ضعف الكلام ده بقي
الماتشا أضعاف فائده الشاي الأخضر ف ما بالك بقي الشاي الاخضر بيقلل ٢٠ ٪ نسبه تعرضك للجلطات في القلب لو انت مشيت عليه كوبايتين لتلاته كل يوم

المسكرات وما ادراكم ما المكسرات
لان المكسرات فيها مغنيسيوم والمغنيسيوم بتاع النوم والريلاكسيشن لما الاوعيه ترتخي توسع شويه فضغطك يتظبط وقلبك يشتغل كويس ويبقي المناعه افضل لان المغنيسيوم بيدخل في ٣٠٠ وظيفه يبقي المغنيسيوم الموجود في المكسرات مهم جدا
المكسرات الي هى لوز عين جمل فستق

الزبدة
الزبده فيها دهون مفيده للقلب
بتزود HDL الي هو الكوليسترول الكويس الجميل الحلو فيه ك٢
بياخد الكالسيوم من الاوعيه الدمويه والقلب يوديه العظام فميحصلش تكلسات ومتنشفش الاوعيه الدمويه ف الي بيمنع التكلس فيتامين ك٢ من الزبدة أو زيت كبد الحوت