الجسم بتاعنا لحد ما يبقي عندك سبعين وتمانين وتسعين سنه بيكسر في العضم ويبني عضم جديد ده كله في جميع المراحل وجميع السنين
ايه الي بيخلي العضم متجدد لان كل يوم بتحصل فيه كسور طفيفه فيشيل الجسم العضم الضعيف ويحط عضم جديد وقوي
العضم الي بيشيل الحمل ضهرك وفخادك بيتجدد باستمرار
المعلومه التانيه انت عضمك مش طوبه انت عضمك نسيج حيوي يعني فيه مرونه يعني تخليه يستحمل يضغط يجي يمين وشمال يعني مش زي العضلات وكده بس فيه نسبه ليونه
الليونه دي لما بتروح بيحصل الكسور الحاجات الي بنعرف الي بتحصل دلوقتي
طيب انا عضمي ابتدأ يوجعني وقالولي السن
انا ركبي ابتدت تطقطق
انا ضهري بدأ يوجعني وفقرات رقبتي مسببالي مشاكل انا داخل علي انزلاق اعمل ايه
الغلط فين مني ولا اني بروح لدكاتره تدينا مسكنات
هنتكلم عن أسباب ضعف الجهاز العظمي
اول حاجه انت مبتستخدمهوش والحاجه الي مش بتستخدمها بتضعف وتدمر مع الوقت
الست الي تدخل وزنها زياده وعندها خمسين سنه وتقول أنا ركبي بتوجعني وانتي كنتي فين من خمسين سنه
بتلعبي رياضه تقولك لا
بتحافظي علي اكلك تقولك لا
طيب وزنك ده زياده علي ركبك يا حجه طب منا عارفه الدكتور ساعتها هيعملك ايه
اول حاجه انت بتحرك جهازك العظمي صح ولا لا الرياضه بتقوي العضم وبتجدده باستمرار
فانت لو مبتعملش اي مجهود وطول النهار قاعد علي مكتب وتروح من الاسانسير لباب البيت وتروح تركب العربيه وتقعد علي مكتب ما انت محركتش جهازك العظمي تحريك سليم فمترجعش تعيط تقولي جسمي باظ وركبي باظت
لو مش قادر تلعب رياضه وتروح جيم اعمل استرتشات اتمشي
يبقي اسلوب الحياه الرياضي دي اول حاجه
الجسم افتكروا بيهدم ويبني عشره في الميه طول الوقت انت بتديلوا اللبنات الي يبني بيها اكيد لا
بتديلوا المعادن والفيتامينات المهمه غالبا لا لان احنا مبناكلش اكل صحي
يعني لا بتلعب رياضه ولا بتديلوا اكل صحي
بالعكس انت بتحارب جهازك العظمي ازاي
اول حاجه الكولا والبيبسي والقرف والعك ده دي جريمه انك تدي ابنك كولا أو بيبسي او انك تشربها
حاجتين بتعملها الحاجات الي فيها صودا أو فيها البابلز الي هي الفقاقيع
اول حاجه بتبوظ حموضه المعده بتقلل الحموضه بتاعه المعده فيقل امتصاص المعادن والفيتامينات والبروتين ميتهضمش وينزل زي ما هو يبوظ الامعاء والبكتريا مش هتموت
الحاجه التانيه في حاجه اسمها فسفوريك اسيد
هقولك تجربه هات ازازه كولا أو بيبسي وحط عليها كوبايه لبن وسيبها اربع ساعات هتلاقي الكالسيوم كله اترسب تحت وفوق بقت مياه بس جسمك بيعمل كده فسفوريك اسيد بيعمل كده بيخلي الكالسيوم يترسب في كل حته في جسمك عظامك تتعب المفاصل تيجي فيها كالسيوم الحصوات تيجي في المراره الاسنان الكالسيوم يطلع منها
السجائر بتقلل الأكسجين والنيكوتين مسمم وبيبوظ كثافه العظام والأسنان
يبقي كده اللبن البقري والكولا والسجائر
رابع حاجه الادويه ادويه الحموضه تبوظ العظام عايش علي زانتاك عايش انتودين عايش علي اي حاجه بتقلل الحموضه حموضتك قلت بل في بروتين بيتهضم ولا في حمض بيمتص معادن وفيتامينات اللازمه للعضم
ادويه السكر أقرأ كده في روشته الادويه بتاعه السكر أقرأ في السايد افيكت هتلاقيهم كاتبين تؤدي إلي هشاشه العظام
الكورتيزول لو علي بسبب الضغط العصبي بيسبب بلاوي في جسمك أحد بلاويه بياخد الكالسيوم من العظام يعملك هشاشه عظام أو تعب في المفاصل
ادي كل الأسباب طيب ايه العلاج بقي
No comments:
Post a Comment