العرقسوس والتمر الهندي

العرقسوس وسحر العرقسوس الي متعرفش أهميته
تعالوا نمسكها واحده واحده
ماده رائعه مضاده للالتهابات
لو عندك التهاب زور اتمضمض بشويه عرقسوس
او اشرب عرقسوس سخن
لو عندك كحه زياده جرب تشرب عرقسوس صبح وبالليل سخن زى الشاي
مضاد التهابات رهيب بالنسبه للزور وبالنسبه للصدر

سيبك من الكلام ده بقي تعالى نتكلم فى المهم
عندك قرحه معده ومجربتش العرقسوس انت بتهزر

العرقسوس هنتكلم عليه دلوقتي فى الجلد زى ما بيصلح القرح إلى فى الجلد حب الشباب الى فى الجلد الالتهابات الى فى الجلد
نفس الكلام لو عندك قرح داخليه

لو عندك قولون متقرح
عندك حموضه
يعنى انت لو عندك حموضه دلوقتي اشرب بس شويه عرقسوس مغلى
الحموضه بتضيع فى ساعتها

العرقسوس يعالج
قرحه معده
حموضه المعده
هضمك مش مظبوط
عندك امساك
عندك بكتريا زياده فى الجهاز الهضمي
عليك وعلى العرقسوس
مانع التهابات فظيع وبيصلح التقرحات بشكل رهيب

تالت حاجه العرقسوس بيحسن المناعه
طبعا فاهمين ليه لأنه بيحسن الهضم وبيحسن قدره الجهاز الهضمي الى هو أساس ٦٠٪ من مناعتك

الستات إلى داخلين على فتره انقطاع الطمس وعندهم هبات ساخنه

العرقسوس منظم هرمونات
العرقسوس رائع أنه بيجي يشتغل شغل الاستروجين استروجينك قل الباشا ده يقوم داخل ظابطلك استروجين الجسم والهبات تروح أو تقل بشكل كبير

النقطه الي بعد كده مش هو مضاد بكتريا بينضف الامعاء خالص
مضاد فيروسات رائع  ده في مواد بيتعمل عليها دراسات دلوقتي هتدخل في علاجات الايدز
ودي هياخدوها من العرقسوس كمضاد فيروسات فظيع

الكلام ده كله كوم وفاضل حاجتين مهمين دول كوم تاني

يعالج التعب الكظري
الاستريس عندك عالي جدا الكوتريزول علي وبعدين قل فالمناعه تقل مبقاش عندك حيل
بشرتك تبوظ
مناعتك تبوظ
ارتشاح أمعاء
العرقسوس بيصلح التعب الكظري
زي عيله الاشواجندا الماكا روت والروديولا
الباشا ده بيدخل يصلح الكورتيزول الي في الجسم يدي نشاط للغده الكظريه فيخليك مقاوم للاستريس
يديك نشاط و يزود المناعه
يظبط الدم الي رايح للامعاء يزود الدم إلى رايح للمخ
يخليك مصحصح اكتر
يصلح الغده الدرقيه

الشىء الاخير إلى فى العرقسوس الالتهابات الى فى الجلد حب الشباب الاكزيما

هات بودره العرقسوس وحطها على عسل وخصوصا المانوكا وحطها على جلدك
بالظبط بيعمل إلى بيعمله النيم
النيم نمره واحد فى الجلد
العرقسوس بالمانوكا سحر الاكزيما سحر للالتهابات سحر لحب الشباب

لو انت عندك سكر ينفع تشرب عرقسوس

لو انت عندك ضغط مينفعلكش عرقسوس
ولو انت عندك البوتاسيوم ناقص في جسمك مينفعلكش عرقسوس

لانه ممكن يخليك تفقد بوتاسيوم اكتر
لو انت عندك مشاكل مزمنه فى الكبد أو الكلى مينفعكش العرقسوس
يبقي كده قفلنا العرقسوس

نروح بقي للتمر هندى

واحد صاحب دكتور كريم بيقوله بقاله تلت سنين مش عارف اكل من الحموضه وتقرحات الامعاء واى اكل بيجبلي تحسس انا بقالى يومين باكل الى انا عايزه

الدكتور بيقوله ازاى عملت ايه لقيت السر
صاحبه قاله لا شربت التمر هندى

قولتله بس طب منا عارف
قاله طب مقولتليش ليه

تحس ان التمر هندى والعرقسوس فيهم شبه كبير من بعض

لو عندك تقرحات امعاء عندك قرحه معده عندك اي امساك جامد عندك هضم بايظ
ملخبط في الاكل خد تمر هندي سحر الجهاز الهضمى
لو مفيش اى حاجه نافعه معاك فى الجهاز الهضمي اشرب تمر هندي صبح وبالليل
فى خلال تلت ايام تحس جهازك الهضمي بقي اول وجديد

مصدر ممتاز لفيتامين سي وحديد للسماء
الى عايز مناعته تزيد تمر هندي صبح وبالليل

الناس إلى عندها التهابات مسالك بوليه
تشرب تمر هندي لمده يومين تلاته
بينضف الكليه وبينضف مجري البول من اى بكتريا
حتى البكتريا إلى مش بتمشي بالمضادات الحيويه

الحاجه الى بعد كده فى التمر الهندي الكوليسترول احنا عرفنا أن مفيش حاجه اسمها كوليسترول ضار انما لو اتأكسد بيعمل جلطات ويبوظ القلب

انت لو حافظت علي التمر الهندي
الضغط بيتظبط
يمنع تصلب الشرايين
صحه القلب والأوعية الدمويه بتتظبط
من التمر الهندي كل ده

مانع جلطات
يقلل الكوليسترول المتأكسد
ويحافظ علي صحه القلب

الحاجه الي بعد كده الجلد

لما تشرب تمر هندي كتير الانتي اوكسيدانت فيه مضادات اكسده
وبيحسن مناعه
الدم الي بيحسنه ويقلل الكوليسترول المتأكسد
فيتامين سي العالى
ده كله يخلى وشك يبرق وفيه نضاره

يخلى جلدك ناعم يخلى الالتهابات تقل فى الجلد
ف انت عايز تحافظ على نفسك من العجز وتفضل شباب عايز تحافظ على جلدك ميه ميه عليك وعلى التمر الهندي صبح وبالليل

اجى بقي النقطه الغريبه التمر الهندي كله سكريات
بس فى نفس الوقت الابحاث بتقول أن مرضي السكر بيتحسنوا مع التمر الهندي

أدى التمر هندي وأدى العرقسوس ممكن نجيبهم بدل المشروبات الغازيه والحاجات إلى بتضر عيالنا