عسل المانوكا

عسل المانوكا
ده نوع من أنواع عسل النحل طالع من نيوزيلندا مخصوص علشان في هناك شجر اسمه المانوكا

النحل بيسافر سته كيلو كل يوم يروح يمتص رحيق المانوكا بالذات ويرجع يعمل هذا العسل الغالي جدا الي يعتبر علاج مش للاكل كده ده علاج

اولا سعره غالي جدا يعني من اغلي انواع العسل

طيب ايه خواصه وليه غالي جدا كده وليه الناس عملاه علاج وليه العالم كله ابتدأ يتكلم عن المانوكا

اول حاجه المانوكا يتميز أنه فيه مادتين مش موجوده في اي عسل في العالم

الماده الأولي : ميثيل جليوكسال
الماده الثانيه: داي هيدرو كسي اسيتون

التركيز بيبقي مكتوب عليه MGo 100
مكتوب كده علي العلبه ام جي اوه
ميثيل جليو كسال
تركيزه من عشرين لغايه ٨٠٠ ده اقوي مضاد حيوي في العالم كله
الماده دي مفيش بكتريا بتقف قصادها

التركيز القليل ١٠٠ ده علشان مفيش امراض ممكن تاخده وتديه للاولاد علشان المناعه
ولما تيجي تستخدم المانوكا سيب الغطا الي تحت الغطا اللي بيتلف زي ما هو
ومش بمعلقه حته بصباعك كده بسيطه كل يوم الصبح
ده علشان المناعه طيب هو للمناعه بس لا

تعالوا نشوف سحر المانوكا ونستخدمه في ايه
وايه الحاجات الي بيعالجها
أقوي مضاد حيوي في العالم

ايه بقي سحر المانوكا

هذا العسل ماده سكريه العسل مينفعش ناخده لو عندك كانديدا لان الكانديدا بتاعه الجهاز الهضمي بتحب الحاجات المسكره واحد
لو واحد عنده سيبو مرض أن البكتريا الأوفر جروس البكتريا زادت عن الحد الطبيعي دخلت من الامعاء الغليظه الي الامعاء الدقيقه فلو خدنا عسل هتزيد

لو واحد عنده حموضه جامده اوى
العسل من الاكلات الحامضه وليست قلويه
لو خدت علي الحامض المعده تبوظ

الا الباشا ابن الباشا ده خد.عندك بعد بقي

دي الماده الوحيده الي ينفع تاخدها مع الكانديدا رخم أنه ماده مسكره لان قوه المضاد الحيوي الي جواها بتقتل الكانديدا قبل ما تتغذي علي الحاجات المسكره ادي اول حاجه

يبقي بيقضي علي الكانديدا ويقتل البكتريا الأوفر جروس يقضي علي نمو البكتريا

يعالج قرحه المعده ويعالج حموضه المعدة
ويقضي علي جرثومه المعده

في ناس خدت كل المضادات الحيويه لجرثومه المعده وخدوا كل الاعشاب وخدوا كل حاجه وبردوا الجرثومه جامده جدا
عسل المانوكا بفضل الله بس خففهم
مانوكا فقط معلقه علي الريق
قضت علي جرثومه المعده

يبقي اول حاجه الجهاز الهضمي
الي عنده حموضه
الي عنده قرحه معده
الي عنده سيبو
الي عنده جرثومه المعده
الي عنده كانديدا

عليه وعلي الساحر القاتل المانوكا معلقه كل يوم الصبح

تاني حاجه مقوي للمناعه رهيب
بيرفع مناعه الجسم لان المواد الي فيه
امينو اسيد زي البروتينات بالظبط
فيه كالسيوم وفيه مغنيسيوم
وفيه بوتاسيوم وفيه فسفور
وفيه حديد وفيه فيتامين ب

الحاجات دي موجوده في اي عسل طبيعي بس في المانوكا اربع أضعاف العسل الطبيعي التاني العادي

يبقي عاوز تزود مناعتك حبه كده الصبح علي الريق مناعتك تظبط

بيعالج القرح والجروح وحب الشباب
لو حد عنده تقرحات لو حد عنده جرح سكري مرضي السكر الجرح مبيلمش
عسل المانوكا ادهنه مره وشوف السحر
لو واحد عنده حب شباب ادهن المانوكا مره الصبح ومره بالليل خلال اسبوع تسعين في الميه من حب الشباب بيروح

القولون التقرحي الي بنمنع عنه السكر خالص
الا المانوكا بيصلح القرح الي برا
ويصلح القرح الي جوه القولون التقرحي بيعالج اي تقرحات في المعده عليك وعلي المانوكا عسل المانوكا رهيب

امراض جهاز هضمي تلاقي
مناعه تلاقي
تقرحات جوه أو برا أو حب شباب تلاقي

نرجع لأول الكلام أنه اقوي مضاد حيوي في العالم
حد يسأل الدكتور نعمل ايه في عدوي البكتريا العنقودية
ناس بيدخلوا المستشفي علشان فيه نوع مبيخفش بالمضادات الحيويه اسمه clostridiam

نعمل ايه المضادات الحيويه مبتشتغلش في البكتريا الجديدة الي طلعت دي نعمل فيها ايه طيب
عليك وبأقوي مضاد حيوي في العالم
ناخد عسل المانوكا بس مش تركيز ١٠٠ عندك لحد ٨٠٠

تاخد تركيز ٥٠٠ أو ٦٠٠
مضاد حيوي رهيب هينضف جسمك من برا ومن جوه هيزود المناعه وهيموت اي بكتريا
بما فيهم clostridiam

اي عسل نحل  في العالم مبيستخدمش للاطفال الي اقل من سنتين

نرجع للتركيز MGO
ده التركيز من ١٠٠ ل ٨٠٠ شوف انت عايزه قوي اوي تركيز عالي ولا تركيز متوسط ولا ضعيف

جرعات الاطفال تحسبوا تركيز من ٢٠ الي ١٠٠ MGO

كل ما يزيد.المرض عندك كل ما تزود التركيز الكبار متاح تركيز لحد ٨٠٠ طعمه نفس العسل العادي وده علاج مش عسل للاكل

لو كيتو دايت خد.اقل من نص معلقه فى اليوم ميطلعكش من الكيتو