الاسبيرولينا والكلوريلا

الاسبيرولينا والكلوريلا
تعالوا نتكلم الاول عن الاسبيرولينا الاسبيرولينا بكتريا دي مش نبات دي بكتريا بكتريا حيه بتيجي فوق بعض فوق بعض وتعمل شكل حلزوني
علشان كده اسمها اسبيرولينا

ايه الاسبيرولينا وليه سوبر فوود بصوا بقي

اول حاجه في الاسبيرولينا فيها بروتين اكثر من اللحمه ما شاء الله

فيها حديد اكتر من الكبده البقري
فيها كالسيوم اكتر من منتجات الألبان

وفيها مغنيسيوم اكتر من الحاجات الخضرا التانيه بأضعاف
وفيها انتي اوكسيدانت اكتر من التوت والفراوله

يعني حاجه جايه من المياه الي هي البكتريا الي بتعيش علي وش المياه دي فيها أضعاف فيها أضعاف أضعاف من الحاجات الي متعودين عليها من المصادر التانيه زي الحديد والكالسيوم الي خلافه

تاني حاجه البروتين فيها عالي اوي ٧٠٪ منها بروتين
يعني اخد شويه اسبيرولينا لو انا عندي انيميا تلاقي الحديد هوب
تلاقي صحتي بقت تمام بترفع منسوب الحديد حلو اوي ومصدر من الطبيعه

تاني حاجه الانتي اوكسيدانت الي فيها من اعظم الانتي اوكسيدانت الي علي الكوكب
انتي اوكسيدانت الي هي مضادات الشوارد
ما دام مضادات الشوارد في جسمك موجوده زي الجلوتاثيون زي السيلينيوم زي التوت زي الشوكولاته السوده
الحاجات دي كلها انتي اوكسيدانت بتموت الشوارد الحره
ما دام الشوارد الحره ماتت بيحصل ايه يا فكر تاني

الالتهابات بتقل
جلطات القلب بتقل
السكر بيقل
السرطانات بتقل
التركيز بيزيد
بقيت خفيف تخس بسرعه
ميبقاش في سموم في جسمك

ايه تاني الاسبيرولينا حبيبه الكبد
الناس الي داخله علي تليف كبدي
الناس الي عندها الكبد.ابتدي يبقي تعبان
الناس الي عندها فيروسات في الكبد
الناس الي ابتدي كبدها بقي فساكونيا

تاخد اسبيرولينا سحر يا جماعه سحر

عملوا تجربه علي خمسه وعشرين بني ادم ناس عندهم سكر نوع تاني
خدوا من اتنين ل اربعه جرام اسبيرولينا بعد شهرين مستوي السكر ابتدي يبقي طبيعي

حاجه تانيه في الاسبيرولينا فيها فيتامين ب عالي اوي
اعصابك تعباك تركيزك مش موجود
اخد الاسبيرولينا
ادخل حته معينه انك عاوز تزود تركيزك الاسبيرولينا رهيبه يا جماعه
عايز تزود صفاء المخ عايز تحمي المخ من الزهايمر الاسبيرولينا يا جماعه

عاوز تحس بالنشاط الاسبيرولينا يا جماعه منشط عام
لانها بتدي طاقه وتصحصح

حاجه تاني في الاسبيرولينا الناس الي عايشه في التلوث الاشعاعي
الاسبيرولينا بتحمي جسمك من اي تلوث إشعاعي

الاسبيرولينا بتخلص الجسم من المعادن الثقيلة كلها لا لا
بتمسك الزرنيخ تشم ريحه زرنيخ تقوم وخداه

لو انت عندك زرنيخ في جسمك عالي بتمسكه وتطلعوا برا

لون الاسبيرولينا ازرق مخضر احنا بناخد الحاجات دي علشان الكلوروفيل الكلوروفيل الي هو ايه الدم.بتاع النبات الي هو بيوصل الأكسجين
ف دي زرقه وخضرا
خضرا علشان فيها كلوروفيل
الزرقان ده علشان فيها حاجه.اسمها phycocyanin
علشان كده اسمها سيانو بكتريا علشان ماده فيكوسيانين دي

الفيكوسيانين انتي اوكسيدانت من الاوائل علي العالم
مانع التهابات من الاوائل علي العالم
ده الي بيديها اللون الازرق ف ده مهم اوي علشان تبقي عارف ماده الفيكوسيانين بتعمل ايه بتديها اللون الازرق وهو سبب سحر الاسبيرولينا

هي بتنضف جسمك من الزرنيخ وتديك بروتينات عاليه اوي

الاسبيرولينا في المكان الي هي فيه بتنضفه وبتحميه من اي حاجه
لو البحيره الي هي فيها فيها اي معادن هتاخدها كلها
العيله بتاعه الاسبيرولينا كلها بتطلع حاجه اسمها ميكروسيستين ايه ميكرو سيستين ده
ده لما بتلاقي البيئه الي هي فيها فيها معادن ثقيله بتطلع هذا السم

ما جبلها سموم فبتطلع سموم

ف حضرتك لو واخد الاسبيرولينا مش من مكان محترم مش اورجانيك مش شركه عامله فحص عليها

يعني انا منتج وتيجي شركه تانيه تيجي تتديني شهاده جوده مش انا الي اشهد علي منتجاتي لو الطرف ده مجاش فحصها ومكتوب عليها certified
وجالك ميكروسيستين الكبد هيبوظ وهيجيلك تسمم اعصاب
لو انت مش اورجانيك وجيالي مش اورجانيك وجنبها مصادر تلوث جنب البحيره الي جايه منها
الافضل مكتوب عليها هواي الي في امريكا لكن غير كده ممكن تسمم كبدك واعصابك
فانا مش بهزر اللهم بلغت
فلو هتستخسر متجيبش اسبيرولينا

اه ف حته كنت هنساها الناس الي عندها جيوب انفيه امشي علي الاسبيرولينا اسبوع اسبوع واحد بس وقولنا رأيك

نرجع للموضوع تاني ف الميكروسيستين ده سم قاتل ف قبل ما تشتريها تبص علي مصدرها ثم مصدرها ثم مصدرها
من هنا لغايه المريخ

جروبنا

https://www.facebook.com/groups/462094914625072/