سحر الريزفيراترول

لقوا أن الفرنسيين بياخدوا بطاطس مدخنه ومحمره وبياكلوا عيش وبيشربوا سجائر بس من احسن الناس في العالم في المخ وفي الجهاز الدوري والقلب والجلطات ليه

جامعه هارفرد لقوا أن السبب هو النبيذ الاحمر

خلاصه الموضوع Resveratrol
دي سحر ماده من الطبيعه موجوده في النباتات  ولكن ساحره ماده من الطبيعه موجوده في النباتات هتعرف هي ليه ماده معجزه وهنعرف احنا ليه محتاجنها

ايه بقي ماده الريزفيراترول دي بقي

دي ماده معجزه موجوده في
جوه العنب الاحمر موجوده في الفول السوداني ولو اني منصحش بالفول السوداني
موجوده في التوت موجوده في الشوكولاته الدارك عرفتوا فايده الشوكولاته الدارك للقلب ازاي

ليه بقي الماده دي معجزه
بصوا بقي الماده المعجزه دي بتلعب في حاجه مهمه جدا في نظام جينيتيك في الجسم الي هو الجينات
جينيتك كنترول سيستم
يعني نظام حاكم الجينات الباشا ده بيظبطه
دي الحاجه الاساسيه أنه بيظبط الجهاز الي بيعمل جينات يخلي جينات تشتغل وجينات متشتغلش

ايه فوائد Resveratrol :

اول حاجه .. محارب الشيخوخه
الي عايز يعيش بصحه لفتره اطول
الي عايز يحسن كواليتي بتاعه بشرته
الي عايز يحسن الكواليتي بتاعه الجلد بتاعه
الي عايز يحسن جوده مخه ويمنع الزهايمر
عليك ب Resveratrol

اول حاجه الماده دي بتعدي طبقه blood -brain barrier

يعني ايه الكلام ده يعني في مواد بتمنع الاكسده في الجسم
انما متقدرش تتدخل الغلاف بتاع المخ الي هو blood-brain barrier
دي بتمنع دخول المواد داخل المخ نفسه
الباشا ده بيعدي فيمنع الأكسده جوه المخ
فيمنع الزهايمر لان الزهايمر أحد أسبابه يحصل اكسده كتير في المخ وخلايا المخ تتعب
يعني هتعيش بكواليتي افضل ومخك ميجلوش زهايمر

اتنين بيدخل الميتوكوندريا الي هي بيوت الطاقه في كل خليه ينشطها يعني ده التربو بتاع كل خلايا جسمك بيدخل الميتوكوندريا حتي ده لما تقرأ الي عليه معاه كيو ١٠
كيو ١٠ لو تفتكروا ده بتاع الباور
اتكلمنا عليه في حلقه الطاقه بتزود الطاقه في الخلايا بيحمي القلب من الأكسده بيحمي القلب من الجلطات

ف احنا دلوقتي ظبطنا الجينات جينات ايه الجينات السرطانيه بيوقفها مانع سرطان ممتاز

الحاجه الي بعد كده الجهاز الدوري بيحمي الجهاز الدوري بيمنع الجلطات
ليه لأنه بيمنع اكسده الكوليسترول جزيئات الكوليسترول فبكده هتتمنع الجلطات إذا كان منع الاكسدة في المخ جوه مش هيمنع الأكسدة برا

يبقي بيحافظ علي القلب بيمنع الجلطات بيدي القلب باور لان القلب بردوا فيه ميتوكوندريا بيزود النشاط جواه
الجهاز الدوري بقي تمام
الجهاز العصبي والمخ بقي تمام
منع السرطانات
وحاجه تانيه مهمه اوي بيقلل حساسيه الأنسولين
فأي واحد عنده سكر ياخد الريزفيراترول يبقي تمام لان الجسم اول ما يشم الانسولين ياخده علطول ويظبط.نفسه

النقطه الي بعد كده مانع التهابات رهيب
 لان ده من النبات ودي ماده نباتيه مش ماده مصنعه خلي بالكم
ف حاجه منعت التهابات وحاجه منعت الاكسده وحاجه ظبطت الجهاز الدوري وحاجه حفظت علي خلايا المخ

عرفتوا ليه الفرنسيين حياتهم اكثر صحه من غيرهم علشان الماده دي الموجوده في النبيذ الاحمر

النقطه الاخيره الباشا ده بيزود الاتوفاجي الي هي الخلايا الذاتيه الاكله للخلايا الضاره والغير نافعه
خلايا الالتهام الذاتي
وده خطك الدفاعي الاول ضد.السرطانات
خطك الدفاعي الاول ضد.العجز
خطك الدفاعي الاول ضد أن جسمك ينهار
الباشا ده بيزود قدره الجسم علي اكل الخلايا السرطانية الصغيره
علي اكل الخلايا الي مش نافعه
علي اكل الخلايا الي مش قايمه بدورها
علي اكل الخلايا الكسلانه
علي اكل الخلايا الميته
علي اكل الخلايا المتأكسده

ده اسمه الاتوفاجي
ده بيزود الاوتوفاجي

ايه تاني بيزود الاوتوفاجي
قدره الجسم علي تنضيف نفسه بنفسه

ايوه برافو عليك
انك.تنام كويس
الصيام بيزود الاوتوفاجي ٣٠٠  في الميه
الزنجبيل
انك تقلل الأنسولين
كل ده يزود الاوتوفاجي

قولنا بقي مين الي ياخده

بصوا بقي دي رساله للكل
انت معندكش كل الأمراض فلو سمحت انا بقولكم كل الحاجات دي مش علشان تاخدوها علشان تبقوا عارفين

البرنامج ده تعليمي ده في ناس بتقول
انا جبت كل الي الدكتور قال عليه ليه
هو انت عندك كل الأمراض
انت دلوقتي عرفت أن في ماده اسمها Resveratrol
يبقي لما حد يكلمك عن النبيذ تقوله اه النبيذ ده فيه كذا

الدارك شوكلت فيه كذا الماده دي ممكن يخودها الي عنده سكر الي خايف من السرطانات
الي مش عايز يعجز بسرعه
الي عايز يحافظ علي قلبه من الاكسده
الي عايز يحافظ علي مخه من الزهايمر
مش كل الناس تجيب Resveratrol

الجرعه
١٠٠ ملي جرام من مره لمرتين في اليوم للناس البالغين
شهرين وتريح شهر
او شهرين وتريح اربع خمس ست شهور
طالما معندكش اي مشكله او اي مرض يستدعي انك تخده

حتي ربنا قال الخمور فيها فايده
بس ربنا حرمها لان اضرارها اكتر من فوائدها
فالحمد لله العلم الحديث طلعلنا الماده الي فيها نفع من الخمور فبتاخد الماده النافعه تم استخلاصها من النباتات في شكل كبسولات

لينك الحلقه
https://youtu.be/RFmKlNSQA8s