اول حاجه النوع الي بيجي للاطفال والكبار البنكرياس باظ فقد وظيفته بسبب فيروس بسبب ورم بسبب اي مرض مناعي بسبب اللبن الكازين اتنين
بيروح بيضرب البنكرياس
ده انعدام وظيفه فيمنفعش نتكلم في طب وظيفي لان دي انعدمت الوظيفه انعدمت وظيفه البنكرياس النوع ده لازم خلاص انسولين
احنا بنتكلم بقي علي النوع التاني
الناس تشتكي جالي السكر علي كبر
عندي مقاومه انسولين
نقولك بيحصل ايه كلت سكر فلما السكر يدخل الدم يطلع الأنسولين من البنكرياس يفتح الخليه فالسكر يدخل الخليه السكر يتحرق الطاقه تيجي في الخليه تقول هيه 🤣😂 ماشى كلت يوم وتلاته وعشره وعشرين سكر كل شويه تفتح الخليه تاخد سكر وتقول هيه لغايه ما الخليه جوه ما اتملت حولت السكر الزياده لدهون جوه الخليه السكر مش الدهون حولت السكر بواسطه الأنسولين الي فتح الباب فدخل الخليه فبقي دهون من جوه كترت فالخليه بتقول ابوس ايديكم مش عاوزه انسولين تاني
نفضل ناكل سكر تاني
البنكرياس يعلي الأنسولين يجي يفتح الخليه متفتحش لا اله الا الله ايه الي حصل الأنسولين يجي يفتح دخلوا سكر يا جدعان لا
السكر بقي ١٢٠ في الدم الراجل هيموت بقي ١٣٠ بقي ١٨٠
الأنسولين مفتحش ليه لان الخليه مش راضيه تفتح لان هو ربنا خلقها من الذكاء بتاعها أنه هو مش محتاج انا مش عاوز سكر تاني خلاص الخليه بتقول كده مش محتاجه اتمليت سكر مش هفتح للانسولين مش هشغله مالوش لازمه
احنا بقي لما تلاقي السكر علي في الدم طبعا السكر ده سم علشان كده ربنا عمله الأنسولين مخصوص اعمل ايه
يروحوا للدكتور الحقني ده جاله السكر
فيعمل ايه يديلوا انسولين زياده
عارفين يعني ايه انسولين زياده
يعني الباب مش راضي يتفتح بتاع الخليه فانا ايه بقي كأني جايب شاكوش ودب دب دب مكسر الباب ومدخل السكر بالعافيه
ده البني ادم الي أحنا بنعمله
تاني حاجه اخد جلوكوفاج دي.بتعمل ايه بتقلل احساس الخليه بالانسولين يعني بتزود قوه الأنسولين قوته مش كميته
عملنا ايه قومنا فتحنا الخليه الي مش عايزه سكر ودخلنا سكر بردوا بردوا
فاهمين احنا فين والطب فين وربنا بيعمل فينا ايه
يعني ربنا عامل السيستم ازاي واحنا بنعاكسه ازاي
فاخد الدوا فغصب عن عين ام الخليه تاخد سكر زياده
فاكل ميه ميه الجاتوه والبيبسي والحاجات الي بتعلي الأنسولين والسكر الحمد لله يا دكتور مظبوط لان انا ماشي علي دوا السكر لغايه امتي لغايه ما اموت لأنك لو بطلت تكسر الباب الأنسولين مش هيدخل السكر جوه
ادي الأنسولين ادي مرض السكر من النوع التاني وادي الطب
تعالوا بقي ندخل بالعقل بالعقل بنكلم عائله فكر تاني لأنها بتفكر بالعقل بالعقل اعمل إيه بقي
اخلي الخليه تحتاج الأنسولين علشان يدخلها سكر
ببلدي ببساطه بهدوء اخلي الخليه متزرجنش وتفتح للانسولين
يبقي ايه يبقي اقلل السكر اقلل الدهون الي اتكونت في الخلايا جوه فتقول ايه ده الأنسولين جيه هاتلي سكر هاتلي سكر هاتلي تاني انا عايزه سكر
ازاي اخلي الخليه تبقي كده
رقم واحد تفقد الوزن الزائد لازم تخس ليه لان لما تخس يعني ايه
انت مبتخدش سعرات كتير من برا
فتخلي الخليه مبتلاقيش اكل فتحرق الدهون الي جوه
فلما تحرق الدهون الي جوه فالسكر الزياده الي باخده ده يجي وتسمحله بالدخول
تاني حاجه منع السكريات
متاخدش حاجه سكرها عالي تحتاج انسولين كتير متكسرش الباب خلي الأنسولين يمشي براحه ميعلاش اووي امنع السكريات امنع الحلويات امنع النشويات الي هي بطاطس الرز المكرونه
تخليني في النشويات الجميله
الخضروات الكوسه الباميه البروكلي كل خضروات ربنا
طبق السلطه الجميل الجزر كل الحاجات دي نشويات مفيده مبتحتاجش انسولين عالي
اقلل الفاكهه جدا ليه الفراكتوز مبيروحش الخلايا اصلا بيتحول في الكبد ل جلوكوز
ناس تقول الفراكتوز مبيحتاجش انسولين
طب ماشي الخلايا مش بتستعمل الفراكتوز مبتستعملوش عايزه جلوكوز بس
مفيش بوابات في الخلايا للفراكتوز في بوابات للجلوكوز بس
طيب الفراكتوز اتحول ل جلوكوز في الكبد لو اتحول بزياده بيحصل ايه دهون علي الكبد
وبيزود الجلوكوز بردوا في الدم نفس مشكله السكر وبيزود الدهون الثلاثية في الجسم يبقي في الكبد والدهون الثلاثية الي زايده عندك بسبب الفاكهه الي انت بتزود فيها وفي اكلها
ما دام عيت ومرضت خلي الفاكهه بعيد عنك دلوقتي
لو انت سليم خد ياعم فاكهه
يبقي اول حاجه خسينا تاني حاجه قللنا السكر الحاجات الي تعوز انسولين كتير وبتدي جلوكوز كتير وبزياده للخليه
الخلايا مكفيه نفسها دلوقتي اقعد شويه من غير حاجات مسكره دي تاني حاجه
تالت حاجه ادخل كيتوجينيك دايت يعني ريح البنكرياس والانسولين وخلي الخلايا تتعطش للجلوكوز ده لو انت مش عايزه نظام حياه دلوقتي
انا بكلم الناس العامه اقعد ست شهور كيتوجينيك
يعني ايه كيتوجينيك يعني دهون
هل الدهون بتحتاج انسولين خالص زيرو
بس البروتينات الي في الكيتو يعني انت بتاكل حته دهنه وحته لحمه فبتتحول لسكر بس علي بسيط اوي فالبنكرياس يفضل شغال معانا بس مش زياده ميبقاش عالي اوي
لان طول ما هو عالي اوي الخليه الأنسولين برا اقفلي نفسك كويس إنما لما الأنسولين يرجع المستوي الطبيعي مع البروتينات بس الشويه البسيطه الكيتو جينيك ايه ده ده مفيش برا نريح البوابات شويه ده مفيش حتي انسولين حتي انسولين برا
فاهمين الخلايا بتتصرف ازاي
يبقي كيتوجينيك ست شهور
بعد كده الرياضه ممارسه الرياضه
الرياضه بتحرق الدهون الي جوه
الرياضه بتخسسك
الرياضه بتخلي جسمك محتاج جلوكوز اكتر ما هو محتاج
الرياضه بتحسن استقبال الخليه للانسولين
الرياضه بتحسن الأكسجين في الخليه
يبقي استجابات الجسم استجابه ذكيه احنا بنسميه امراض يعلي الضغط علشان محتاج اكسجين زياده فنسميه مرض ضغط ونعالج العرض مش السبب
يعلي الأنسولين ويعملي مرض السكر لأنه هو مش عايز انسولين لأنك عبيته سكر
يبقي انا دلوقتي
نزلت وزني ممتاز
بطلت الاعتماد علي الحاجات الي بتعوز انسولين كتير سكريات ونشويات رائع
مشيت علي الدهون والكيتوجينيك ممتاز
لعبت رياضه ممتاز
ايه تاني. .... الصيام
عارفين بقي الخلايا الي قفلت الباب في وش الأنسولين انا بخليها تقول ادوني شويه سكر الله يكرمكم مش قادره
ده انا بقالي ١٤ ساعه صايم مفيش جلوكوز خلاص دنا هموت
اول ما يطلع انسولين بعد فتره صيام تجري تستجيب فورا ليه لأنك انت عطشت الخلايا
مش انتي بتقولي مش عايزه سكر مش عايزه سكر وبتتنكي علينا طيب مفيش اكل خالص ومفيش انسولين ومفيش سكر ومفيش اي حاجه
الناس الي كان عندها سكر وعملت صيام متقطع تاكل مثلا من تسعه الصبح للساعه اربعه وبعد كده مفيش اكل خالص لتاني يوم تسعه الصبح في خلال تلت شهور مبقاش عندهم مرض السكر رجعوا طبيعين
في نقطه تانيه حاجه بتعلي الأنسولين في الجسم وهي كتر الاكل
يعني اكل اربع خمس مرات حتي لو بتاكل اكل صحي الأنسولين بيعلي في الجسم لان ايه الأنسولين بيعلي لما السكر بيعلي في الدم
بس الأنسولين بيعلي شويه لما تمضغ شويه لما الامعاء تشتغل الأنسولين بيفرز بنسبه بسيطه
يعني مش مجرد السكر بس
الأنسولين بيفرز كرد طبيعي إن في اكل يا جماعه جي الامعاء شغاله طلعلنا شويه انسولين
فلما تاكل خمس ست مرات انسولينك بيعلي
صعب تخس جدا
صعب تخس وصعب تنزل السكر الي عندك لو انت بتاكل واجبات حتي صحيه بس كتير
علشان كده وصلنا لمرحله أن الصيام علاج حاجات كتير جدا
شغل زمان تلت واجبات كبيره وبينهم تلت واجبات صغيرين ده يترمي في الشارع
ادي السكر
ناخد بقي مكملات خفيفه علشان الجسم يشتغل
اول حاجه الكروميوم قرص يوميا اسمه في مصر كروم أو اسمه كروميوم أو بلاش كروميوم يا سيدي علشان محتاجين زنك ونحاس
خد معادن متعدده مهمه جدا المعادن المتعدده
مهم جدا الزنك علشان الأنسولين يشتغل كويس
الزنك ناخده من الأسماك ناخده من البيض أهري نفسك اسماك والمكسرات فيها زنك
يبقي الزنك مهم الكروميوم مهم
البوتاسيوم مهم جدا من غير بوتاسيوم مفيش حاجه هتشتغل في جسمك
البوتاسيوم عايز ٤.٥ جرام محدش يقولي مكملات غذائيه
مفيش حاجه في العالم تديك مكملات ٤.٥ جرام يوميا
تاكل خضرا كتير لو سمحت
تاكل خضروات كتير لو سمحت
تاكل طبقين تلاته سلطه كل يوم
علشان البوتاسيوم وعلشان الكبد يشتغل
وعلشان الأنسولين يشتغل كويس
يبقي شويه كروميوم أو شويه معادن متعدده
وتشرب شويه قرفه لان القرفه
بتقلل الأنسولين يعني بتقلل حساسيه الأنسولين
خل التفاح بيقلل حساسيه الأنسولين
العرقسوس مسكر متين مره عن السكر الطبيعي ولكن الأبحاث أثبتت أنه بينزل السكر في الدم
اكتشفتوا دلوقتي أن السكر مش مرض واننا بنمشي عكس اتجاه السيستم الي ربنا حاطوا لينا
No comments:
Post a Comment