الناس الي بتتريق وتقولك اصحي خمسه الصبح انا كائن ليلي مقدرش اصحي الوقت ده
تعالوا بقي نكلمكم ايها الكائنات الليليه الي بتخالفوا سنه ربنا الي خلي الشمس وعمل هرمونات متفرزش الا والشمس مش موجوده وعمل الليل لباسا يعني يغطينا علشان ندخل ننام
علشان نبتدي اليوم وصحتنا تفضل افضل وافضل
اول حاجه ليه العلماء ربطوا بين الزياده في الوزن وانك تسهر بالليل
خد عندك بقي
السهر ده عباره عن استريس في جسمك فلما الاستريس يزيد ايه الي بيفرز في جسمك الكورتيزول
فيحصل زياده افراز كورتيزول
فلما يعلي الكورتيزول يحصل ايه
الأنسولين حساسيته تزيد
يتاخد الدم من الجهاز الهضمي
يبقي عايز سكر زياده علشان احنا في حرب وفيه استريس في الجسم فتجوع
يبقي اول حاجه الكورتيزول علي
فشهيتك للأكل زادت
يبقي اول حاجه بيفتح شهيتك للأكل وخصوصا السكريات
اتنين حرارتك بتقل كده كده بالليل فلما حرارتك تقل معدل الحرق يقل طبيعي ربنا مش عامل معدل حرق يزيد بالليل
فانت بتاكل بالليل وانت معدل حرقك واطي
ف دي تاني حاجه تخليك تتخن بالليل
تالت حاجه مش معاد هضم يا ريس الاكل مبيتهضمش كويس
الاكل بيوصل للجهاز الهضمي ودي حته مهمه اوي
جسمك بيوحش دهون امتي لما يوصله حاجه مش محتاجها يعني بتدي سعرات كتير ولما بيوصله حاجه مش عايزها او مش عارف يتعامل معاها
ليه الدهون المهدرجه بتعمل بلاوي في الجسم ودهن علي الكبد لان الجسم مش عارف يتعامل معاها خزنها يابني انا مش عارف دي ايه
الاكل ده مش جي في وقته معنديش قدره اني انا اهضم واعمل أيض اقفل يابني حط ده في المخازن مش فاضينله دلوقتي
يبقي تلت اسباب تخليك تتخن بالليل خلي بالك منهم
دلوقتي الحلقه علي حل الناس الي بتشتغل بالليل لكن الناس الي بتسهر بتلعب جيمز وعلي القهاوي كلامنا مش ليكم
بنتكلم علي الناس الي اكل عيشه كده دكتور شغال في شيفت ليلي دكتور صيدلي واقف في صيدليه واحده شغاله في مصنع ٢٤ ساعه
يعني اكل العيش دول هيتقال ليهم الحل النهارده الناس الي بتسهر منها لنفسها بقي دول يغيروا نظامهم
يوجد عشرين في الميه من الناس عندهم مشاكل في النوم
الاول هنتكلم عن الناس الطبيعيه الي بتحاول تنام ومبيجلهاش نوم
عندى مشاكل فى النوم وبحاول انام ومبتعرفش ساعدني انام ازاي وجسمي يدخل في الفورمه وينام بالليل ويصحي الصبح بدري
كيفيه النوم نوم صحيح الي بيصلح الجسم
اول حاجه النوم الصح بيبدأ من ١٠:٣٠ بالليل
ل ٤:٣٠ صباحا
اول ساعتين الجسم بيحصله ارواء
المياه بتزيد في الخلايا
بعد الساعه ١٢ ل الساعه ٢
بيحصل تغير في الخلايا
تغير في الخلايا الميته الجسم بينضف نفسه من السرطانات
وآخر ساعتين بيريح بقي لغايه الساعه اربعه الصبح
فانت لو ملحقتش الفتره دي ملحقتش تدخل في الفتره دي انت عديت الوقت الي بيتصلح فيه جسمك
النقطه التانيه
في ساعه موجوده في جسمك ربنا خلقها اول ما يجي الليل تبتدي هرمونات بالليل تعلي طبعا لما تنام
وتيجي الصبح تبتدي هرمونات الصبح تعلي
فانت لو نظامك مش ماشي مع الي ربنا حاطه الساعه البيولوجيه عندك بتبوظ
بتحصل البلاوي بقي السرطانات والضغط والسكر والزهايمر والكلام ده كله
فانا علشان اساعدك تنام بدري
اول حاجه متخدش قهوه من ٨ ل ١٢ ساعه قبل النوم
القهوه ممكن تقعد في جسمك ل ١٢ ساعه
تاني نقطه برد الاوضه مينفعش تبقي الاوضه حر
جسمك علشان ينام صح ويفرز الهرمونات صح عايز درجه حراره الاوضه من ١٥ ل ١٩ درجه
حط التكيف سقع الاوضه او افتح الشبابيك
جسمك يدخل في النوم علطول والميلاتونين يفرز الميلاتونين ده مبيفرزش الا وانت نايم
لو الميلاتونين مبيفرزش انت منمتش لو مبيفرزش انت هرموناتك مش موجوده لو مبيفرزش هتعجز بدري
لو الميلاتونين مبيفرزش كبدك هيتعب وكليتك هتتعب وهيجيلك زهايمر
يبقي بالبلدي لما اقولك عايزك تنام كويس يبقي قصدي الميلاتونين يفرز كويس
الكافيين يمنع الميلاتونين
الجو السخن يمنع إفراز الميلاتونين
انك تاكل قبل النوم والدم شغال في معدتك واكل اكله تقيله هتنام ازاي
واكل وجبه فيها دهون هتنام ازاي
واكل قريب اوي قبل النوم هتنام ازاي
ده غير أن ربنا عامل الليل للنوم والراحه منهم المعده والجهاز الهضمي
عايز يرتاح تخليه يشتغل طول الليل يا مفتري يا طفسه
يبقي مناكلش قبل النوم باربع خمس ساعات
قبل ما تخش تنام بنص ساعه لا تليفزيون ولا تليفون ولا اي اجهزه الكترونيه
ده في ناس بيتكلموا عن افلام اكشن قبل النوم
ده في ناس بيتفرجوا علي افلام رعب قبل النوم
يا ناس لو الكورتيزول علي ولو الاستريس زاد علشان يطلع الميلاتونين هيطلع علي تلاته اربعه الفجر ومبيلحقش نص ساعه ويقف
فانت استعد للنوم انت اي حاجه في الدنيا ليها استعداد
انا مبدخلش الجيم العب بميه كيلو الا لما اسخن قبلها نص ساعه فانت داخل علي سريرك قبلها بنص ساعه مفيش اي اجهزه الكترونيه
تقعد تقرأ قران او تقرأ كتاب تصلي صلواتك تقعد تستغفر حسب رغبتك ايه نص ساعه بعيد تماما عن أي اجهزه الكترونيه
الابتعاد عن الاضواء تماما الضوء الأزرق أضواء التليفونات
النور الصناعي بيمنع إفراز الميلاتونين بنسبه تمانين في الميه
تجيب البتاعه الي بتتحط علي العين علشان كل فتره عين بتفتح فلما فتحت لقت نور برا الميلاتونين مبيفرزش يبقي حافظ علي ميلاتونينك ابعد عن الانوار الصناعيه قبل النوم قد ما تقدر اقعد في الضلمه نص ساعه او ربع ساعه قبل النوم
الحلول بقي خصوصا الناس الي بيبقي غصب عنها عندها شيفتات ليليه
اول حاجه كيتوجينيك دايت تاني اه
تعالوا نفكر بالعقل كده هي ايه مشكله الناس الي بتسهر بالليل
بيحصل اكسده كتيره في الجسم
الميلاتونين مبيفرزش فالخلايا مش بتجدد فالالتهابات تزيد فتؤدي للضغط والسمنه
والسمنه دي لوحدها الزهايمر والسرطانات والضغط العالي دي نحيه ليهم الكيتو والسمنه دي لوحدها نحيه تانيه
يبقي انت لما تروح كيتو اولا مش هتجوع بالليل
تاني حاجه نسبه الالتهابات هتننزل في جسمك بما يقارب الصفر لان مفيش سكر مفيش حاجه تخليك التهاباتك زياده
جعان كتير
تالت حاجه الكيتو فيها كيتونز بادي بتعيش من ١٢ ل ١٨ ساعه بعد الاكل فمخك يبقي بنفس التركيز قلبك يبقي نفس الطاقه
عضلاتك نفس الاكتيفتي حتي لو انت بتسهر بالليل
يبقي الكيتو سلاح أمن للناس الي عندها شيفتات بالليل
لغايه ما تحول وتبقي زي الناس الطبيعيه
اتنين الصيام المتقطع
مش هو بالليل الاكسده بتزيد
الصيام المتقطع بيقلل الاكسده
مش بالليل الكورتيزول بيعلي والجوع بيعلي والحراره بتقل
والاكل بيزيد والجوع بيزيد
طب امنع اكل بالليل خالص
صوم صيام متقطع من الساعه اربعه لو انت شيفتك من سته لسته
اربعه امنع اكل خلاص انا داخل صيام
في الصيام نسبه هرمون النمو بتزيد في الصيام الأنسولين بيقل خالص
في الصيام الاكسده بتقل خالص
في الصيام الاتوفاجي بتزيد نسبه الالتهام الذاتي للخلايا غير النافعه يعني الخلايا السرطانيه تموت والخلايا الضاره تموت والاكسده الزياده تموت والخلايا الميته تتاكل والخلايا النص نص الجسم يأكلها وياخد المياه منها
يبقي عندك الصيام المتقطع في شيفت بالليل رهيب
يبقي قفلت نحيتين
الكيتو قفلك الالتهابات والعجز والأمراض
والصيام المتقطع بالليل قفلك انك انت تتخن أن الأنسولين يعلي أن الكورتيزول يفضل عالي
قبل ما تتدخل الشيفت علي الساعه اربعه مثلا زود الاوميجا ثري وزود الأحماض الدهنيه يعني ايه
اضرب قهوه بحته زبده
وشوف طول الليل انت حامي مخك الطاقه موجوده مش جعان نفسك مسدوده لان الدهون عاليه
مخك مفتح الاكسده ممنوعه علشان الأحماض الدهنيه
الافضل من ده وده MCT oil
لو انت تاخد معلقه MCT oil وانت رايح الشيفت مخك تمام الكيتونز بتزيد الطاقه بتزيد مخك بيحمي من الزهايمر مبيخلكش تاكل كتير
فكرنا في الزبده وفكرنا في MCT oil علشان يبقي في كيتونز طول الليل
والقهوه علشان تفضل مصحصح
النقطه الي بعد كده تقلل السعيرات الحرارية خصوصا الصبح اكتر سعراتك خلي فيها اوميجا ثري حفاظا من الزهايمر حفاظا أن الجهاز العصبي ييوظ
حفاظا الكورتيزول يبوظ حفاظا أن اعصابك تبوظ حفاظا أن مخك التركيز منه يروح بالليل
كل ده اوميجا ثري مهم
MCT oil
والزبده
ده كله. علاج مؤقت لغايه ما تعمل شيفت في حياتك وتشتغل الصبح أو ترجع للنظام الطبيعي
فبكده تحمي نفسك من الشيخوخه والزهايمر والهرمونات البايظه
No comments:
Post a Comment